ସରକାର ଲମ୍ବା ଭାଷଣ ଓ ବଡ଼ ବିଜ୍ଞାପନରେ ବିକାଶର ଦାବି କରୁଛନ୍ତି : ନବୀନ

ବିଜେପିକୁ ଟାର୍ଗେଟ କରିଛନ୍ତି ନବୀନ । ବିଜୁ ଜନତା ଦଳ (ବିଜେଡି)ର ଜନଜାଗରଣ କାର୍ଯ୍ୟକ୍ରମରେ ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ରାଜ୍ୟର ବିଜେପି ସରକାରଙ୍କୁ କଡ଼ା ସମାଲୋଚନା କରିଛନ୍ତି। ସରକାରଙ୍କ ବର୍ଷେ ପୂର୍ତ୍ତିକୁ ଟାର୍ଗେଟ୍ କରି ସେ କହିଛନ୍ତି, “ଲୋକଙ୍କ ସରକାର କୁହାଯାଉଛି, କିନ୍ତୁ ଲୋକମାନେ କାହାନ୍ତି?” ସେ ଅଭିଯୋଗ କରିଛନ୍ତି ଯେ ସରକାର ଲମ୍ବା ଭାଷଣ ଓ ବଡ଼ ବିଜ୍ଞାପନରେ ବିକାଶର ଦାବି କରୁଛନ୍ତି, କିନ୍ତୁ ପ୍ରକୃତ ବିକାଶ ନାହିଁ।
ନବୀନ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା (BSKY)ର ସଫଳତା ଉଲ୍ଲେଖ କରି କହିଛନ୍ତି, BSKYରେ ଲୋକେ ମାଗଣା ଚିକିତ୍ସା ପାଉଥିଲେ, କିନ୍ତୁ ଆୟୁଷ୍ମାନ ଭାରତରେ ଏହି ସୁବିଧା ଅପର୍ଯ୍ୟାପ୍ତ। ମିଶନ ଶକ୍ତିରେ ୭୦ ଲକ୍ଷ ମହିଳାଙ୍କ ସଶକ୍ତିକରଣକୁ ହାଇଲାଇଟ୍ କରି ସେ ଅଭିଯୋଗ କରିଛନ୍ତି ଯେ ଏହା ବର୍ତ୍ତମାନ ଦୁର୍ବଳ ହୋଇଛି। ନିର୍ବାଚନୀ ପ୍ରତିଶ୍ରୁତି ପୂରଣରେ ସରକାରଙ୍କ ବିଫଳତା ଓ ଆର୍ଥିକ ଅବ୍ୟବସ୍ଥାକୁ ନେଇ ମଧ୍ୟ ସେ ପ୍ରଶ୍ନ ଉଠାଇଛନ୍ତି। ବିଜେଡି ଲୋକଙ୍କ ସ୍ୱାର୍ଥ ପାଇଁ ଲଢ଼େଇ ଜାରି ରଖିବ ବୋଲି ନବୀନ ଦୃଢ଼ୋକ୍ତି ପ୍ରକାଶ କରିଛନ୍ତି।