ବେଙ୍ଗାଲୁରୁର ମହିଳା ଅଫିସ ଯିବା ପାଇଁ ରାପିଡ କ୍ୟାବ୍ ବୁକ୍ କରିଥିଲେ । କିନ୍ତୁ ଅଫିସରେ ପହଁଚି ସେ ଦେଖିଲେ ତାଙ୍କ ଇୟରଫୋନ୍ କେଉଁଠି ହଜିଯାଇଛି । ଏହାପରେ ସେ ଏକ ମେସେଜ ଡ୍ରାଇଭରଙ୍କଠାରୁ ପାଇଲେ ଯାହାର ଅଭିଜ୍ଞତା ସେ ସୋସିଆଲ ମିଡିଆରେ ସେୟାର କରିଛନ୍ତି । ଯାହା ଭାଇରାଲ ହେବାରେ ଲାଗିଛି । ସମ୍ଭବୀ ଶ୍ରୀବାସ୍ତବ ଇନ୍ଦିରାନଗରରୁ ରାପିଡୋ ଭଡ଼ା କରି ଯାଇଥିଲେ । କିନ୍ତୁ ସେ କାରରୁ ଓହ୍ଲାଇବା ପରେ ଇୟରଫୋନ ତାଙ୍କ ପାଖରେ ନଥିବା ଦେଖିଲେ । କାର୍ ରୁ ଓହ୍ଲାଇବାର କିଛି ମିନିଟ୍ ମଧ୍ୟରେ, ସେ ଡ୍ରାଇଭରଙ୍କଠାରୁ Google Pay ମାଧ୍ୟମରେ ଏକ ମେସେଜ୍ ପାଇଲେ ଯେ ସେ ତାଙ୍କ ଇୟରଫୋନ୍ ପାଇଛନ୍ତି ଏବଂ ତାଙ୍କୁ ଫେରାଇବାକୁ ଚାହୁଁଛନ୍ତି । ଏହା ଜାଣିବା ପରେ ସେ ଅନୁଭବ କଲେ ଯେ “ପୃଥିବୀ ଏତେ ଖରାପ ନୁହେଁ”।
ଡ୍ରାଇଭର କହିଥିଲେ ସେ ଇଅରଫୋନ୍ ସୁରକ୍ଷିତ ରଖିବେ । ସୋମବାର ଦିନ ଅଫିସ ଆସି ଫେରାଇ ଦେବେ ବୋଲି ମହିଳା ତାଙ୍କୁ ଜଣାଇଥିଲେ । ଏହାପରେ ଦୀପାବଳି ଦିନ ସକାଳେ ସେ ଇୟରଫୋନ ଫେରାଇ ଦେଇଥିଲେ । ମହିଳା ଯାତ୍ରୀ ଲେଖିଛନ୍ତି “ଜହରୁଲ ଚାହିଁଥିଲେ ତାକୁ ରଖିପାରିଥାନ୍ତେ । ସେ ସେଗୁଡ଼ିକୁ ଫୋପାଡ଼ି ଦେଇପାରିଥାନ୍ତେ କିମ୍ବା ବିକ୍ରି କରିପାରିଥାନ୍ତେ। କିନ୍ତୁ ସେ ଇୟରଫୋନ୍ ଫେରାଇବାକୁ ଠିକ୍ ବାଛିଲେ। ଏହା ଏକ ଛୋଟ କଥା ପରି ଶୁଣାଯାଉଛି, କିନ୍ତୁ ଏହା ମୋତେ ପ୍ରକୃତରେ ମନେ ପକାଇ ଦେଇଥିଲା ଯେ ଶାଳୀନତା ଏବେ ବି ରହିଛି,” ।
