ହଂକଂର ତାଇପୋରେ ଅନେକ ବହୁମହଲା କୋଠାରେ ଅଗ୍ନିକାଣ୍ଡ ଘଟି ଅତି କମରେ ୪୪ ଜଣଙ୍କର ମୃତ୍ୟୁ

ହଂକଂର ତାଇପୋ  ଅଞ୍ଚଳରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟି ଅତି କମରେ ୪୪ ଜଣଙ୍କର ମୃତ୍ୟୁ ଘଟିଛି। ଏହି ଭୟଙ୍କର ଅଗ୍ନିକାଣ୍ଡ ଫଳରେ ଏକାଧିକ ବହୁମହଲା କୋଠା କ୍ଷତିଗ୍ରସ୍ତ ହୋଇଛି। ଏକ ହାଉସିଂ କମ୍ପ୍ଲେକ୍ସରେ ଏହି ଭୟଙ୍କର ଅଗ୍ନିକାଣ୍ଡ ଘଟିଥିବାରୁ ଅଧିକ ଧନଜୀବନ କ୍ଷତି ହୋଇଛି । ଏହି ଅଗ୍ନିକାଣ୍ଡକୁ ଦଶନ୍ଧି ମଧ୍ୟରେ ସବୁଠାରୁ ବଡ଼ ଭୟଙ୍କର ଘଟଣା ମଧ୍ୟରୁ ଗୋଟିଏ ବୋଲି ବିବେଚନା କରାଯାଉଛି। ୩୨ ମହଲା ବିଶିଷ୍ଟ କୋଠାର ବାହାର ଭାଗରେ ବନ୍ଧା ହୋଇଥିବା  ବାଉଁଶରେ ହଠାତ୍ ନିଆଁ ଲାଗିଯାଇଥିଲା।ଅଗ୍ନିକାଣ୍ଡ ଏତେ ପ୍ରଚଣ୍ଡ ଥିଲା ଯେ ଏହା ଆଖପାଖର ସାତଟି କୋଠାକୁ ବ୍ୟାପି ଯାଇଥିଲା।  ଅଗ୍ନିଶମ ସେବା ବିଭାଗକୁ ଉଦ୍ଧୃତ କରି ଜାତୀୟ ଗଣମାଧ୍ୟମ କହିଛି ଯେ ପ୍ରଚଣ୍ଡ ଅଗ୍ନିଶିଖା କାରଣରୁ ଅନେକ ଲୋକ କୋଠା ଭିତରେ ଫସି ରହିଥିଲେ। ନିଆଁର ତୀବ୍ରତା ଏତେ ଅଧିକ ଥିଲା ଯେ ଏହା କିଛି କିଲୋମିଟର ଦୂରରୁ ମଧ୍ୟ ଦେଖାଯାଉଥିଲା। ଏହି ଘଟଣା ସମ୍ପର୍କରେ ପୁଲିସ୍ ତଦନ୍ତ ଆରମ୍ଭ କରିଛି ଏବଂ ଅଗ୍ନିକାଣ୍ଡ ଘଟାଇବା ସନ୍ଦେହରେ ତିନି ଜଣ ସନ୍ଦିଗ୍ଧଙ୍କୁ ଗିରଫ କରାଯାଇଛି।ହି ଦୁଃଖଦ ଘଟଣା ସ୍ଥାନୀୟ ଅଞ୍ଚଳରେ ଶୋକର ବାତାବରଣ ସୃଷ୍ଟି କରିଛି। ତାଇ ପୋ ହେଉଛି ହଂକଂର ଉତ୍ତର ଭାଗରେ ଥିବା ଏକ ଛୋଟ ସହର ଦ୍ବୀପ ଯାହା ଚୀନର ପ୍ରମୁଖ ସହର ସେନଜେନ  ସୀମା ନିକଟରେ ଅବସ୍ଥିତ।