ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ଏବେ ଏକ ସଂଗୀନ ସ୍ଥିତିରେ ଅଛି। ଏହାରି ଭିତରେ ପାକିସ୍ତାନ ନିଜକୁ ଇରାନ ଏବଂ ତା’ର ଶତ୍ରୁ — ଯୁକ୍ତରାଷ୍ଟ୍ର ଓ ଇସ୍ରାଏଲ — ମଧ୍ୟରେ ଶାନ୍ତି ସ୍ଥାପନ କରିବାର ମୁଖ୍ୟ ମଧ୍ୟସ୍ଥି (mediator) କରିବାକୁ ଚେଷ୍ଟା କରୁଛି।ଫାଇନାନ୍ସିଆଲ ଟାଇମ୍ସ ରିପୋର୍ଟ ଅନୁଯାୟୀ, ଇସ୍ଲାମାବାଦ ତା’ର ସେନା ମୁଖ୍ୟ ଆସିମ ମୁନିରଙ୍କ ଇରାନ ସହ ଭଲ ସମ୍ପର୍କ ଏବଂ ଯୁକ୍ତରାଷ୍ଟ୍ର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଉତ୍ତମ ସମ୍ପର୍କକୁ ବ୍ୟବହାର କରୁଛି।ଏ ପର୍ଯ୍ୟନ୍ତ ପାକିସ୍ତାନ ବୁଝିବିଚାରି କୂଟନୀତି କରୁଛି — ଇରାନ ଉପରେ ହୋଇଥିବା ଆକ୍ରମଣର ନିନ୍ଦା କରିବା ସହ ଯୁଦ୍ଧ ବନ୍ଦ କରିବାକୁ ଆହ୍ୱାନ ଦେଉଛି।ଏବେ ପାକିସ୍ତାନ ନିଜ ରାଜଧାନୀ ଇସ୍ଲାମାବାଦକୁ ଯୁକ୍ତରାଷ୍ଟ୍ର ଏବଂ ଇରାନର ଉଚ୍ଚସ୍ତରୀୟ କଥାବାର୍ତ୍ତା ପାଇଁ ଠିକ ସ୍ଥାନ ବୋଲି ପ୍ରସ୍ତାବ ଦେଇଛି। ଏହି କଥାବାର୍ତ୍ତା ଏହି ସପ୍ତାହରେ ହୋଇପାରେ ବୋଲି ରିପୋର୍ଟରେ କୁହାଯାଇଛି।
- ପାକିସ୍ତାନ ସେନା ମୁଖ୍ୟ ଆସିମ ମୁନିର ରବିବାର ଦିନ ଯୁକ୍ତରାଷ୍ଟ୍ର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ କଥା ହୋଇଥିଲେ।
- ସୋମବାର ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ଶରୀଫ ଇରାନ ରାଷ୍ଟ୍ରପତି ମାସୁଦ ପେଜେଶକିଆନଙ୍କ ସହ କଥା ହୋଇଥିଲେ।
ଏହି ସମୟରେ ଟ୍ରମ୍ପ ଇରାନର ବିଦ୍ୟୁତ କେନ୍ଦ୍ରଗୁଡ଼ିକୁ ଧ୍ୱଂସ କରିବାର ଧମକକୁ କିଛି ଦିନ ପାଇଁ ସ୍ଥଗିତ ରଖିବାର ଘୋଷଣା କରିଥିଲେ। ଟ୍ରମ୍ପ କହିଛନ୍ତି ଯେ, ଇରାନ ସହ “ଭଲ ଏବଂ ଫଳପ୍ରଦ” କଥାବାର୍ତ୍ତା ହୋଇଥିବାରୁ ସେ ଧମକ ସ୍ଥଗିତ ରଖିଛନ୍ତି। କିନ୍ତୁ ଇରାନ ଏହା ପୂରାପୂରି ଅସ୍ୱୀକାର କରିଛି। ଇରାନ କେବଳ ଏତିକି ସ୍ୱୀକାର କରିଛି ଯେ, କେତେକ ଆଞ୍ଚଳିକ ଦେଶ ମଧ୍ୟସ୍ଥି ପ୍ରୟାସ କରୁଛନ୍ତି। ଇରାନର ବିଦେଶ ମନ୍ତ୍ରଣାଳୟ ମୁଖପାତ୍ର କହିଛନ୍ତି — “କୌଣସି ସିଧା କଥାବାର୍ତ୍ତା ହୋଇନାହିଁ। ଇରାନ ପାର୍ଲାମେଣ୍ଟ ସ୍ପିକର ମଧ୍ୟ କହିଛନ୍ତି ଯେ, ଯୁକ୍ତରାଷ୍ଟ୍ର ସହ କୌଣସି ଆଲୋଚନା ହୋଇନାହିଁ।
ପାକିସ୍ତାନର ପ୍ରଧାନମନ୍ତ୍ରୀ ଶରୀଫ ଯୁଦ୍ଧ ଆରମ୍ଭ ହେବା ପରଠାରୁ ଇରାନ ରାଷ୍ଟ୍ରପତିଙ୍କ ସହ ଏକାଧିକ ଥର କଥା ହୋଇଛନ୍ତି।ପାକିସ୍ତାନ କହିଛି — “ଆମେ ଇରାନ ନେତୃତ୍ୱକୁ ଜଣାଇଛୁ ଯେ, ପାକିସ୍ତାନ ଶାନ୍ତି ସ୍ଥାପନରେ ଗଠନମୂଳକ ଭୂମିକା ଜାରି ରଖିବ।”ପାକିସ୍ତାନର ବିଦେଶମନ୍ତ୍ରୀ ଇସ୍ହାକ ଦାର ଗତ ସପ୍ତାହରେ ରିୟାଦ୍ରେ ଆରବ ଦେଶଗୁଡ଼ିକୁ କହିଛନ୍ତି ଯେ, ପାକିସ୍ତାନ ଯୁକ୍ତରାଷ୍ଟ୍ର ଏବଂ ଇରାନ ମଧ୍ୟରେ ମଧ୍ୟସ୍ଥି କରୁଛି। ତେବେ ଏଠି ପ୍ରଶ୍ନ ଉଠୁଛି, ଏଥିପାଇଁ କାହିଁକି ପାକିସ୍ତାନ ଉପଯୁକ୍ତ ?
- ପାକିସ୍ତାନରେ କୌଣସି ଆମେରିକୀୟ ସୈନ୍ୟ ଘାଟି ନାହିଁ।
- ଇରାନ ପାକିସ୍ତାନକୁ କୌଣସି ମିସାଇଲ ବା ଡ୍ରୋନ ମାରିନାହିଁ।
- ପାକିସ୍ତାନରେ ଦୁନିଆର ଦ୍ୱିତୀୟ ସର୍ବବୃହତ୍ତମ ଶିଆ ମୁସଲିମ ଜନସଂଖ୍ୟା ଅଛି।
- ସେ ସାଉଦି ଆରବ ସହ ପ୍ରତିରକ୍ଷା ଚୁକ୍ତି କରିଛି।
- ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଖାମେନେଇ ସମ୍ପ୍ରତି ପାକିସ୍ତାନ ଲୋକଙ୍କ ପ୍ରତି ଭଲ ଧାରଣା ଥିବା କଥା କହିଛନ୍ତି।
ପ୍ରତରକ୍ଷା ବିଶେଷଜ୍ଞମାନେ କହୁଛନ୍ତି ଯେ, ଯୁଦ୍ଧ ଚତୁର୍ଥ ସପ୍ତାହରେ ପହଞ୍ଚିଛି ଏବଂ ଉଭୟ ପକ୍ଷ ଏବେ କେହିକାହାକୁ ଛାଡିବା ଅବସ୍ଥାରେ ନାହାନ୍ତି। ତେଣୁ ମଧ୍ୟସ୍ଥତା ସଫଳ ହେବାର ଆଶା ଏବେ ବହୁତ କମ୍।
