ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆକ୍ରମଣ ବନ୍ଦ ଘୋଷଣା କରିବା ପରେ ଇରାନ ବି ରଖିଲା ପ୍ରତିକ୍ରିୟା । ଟ୍ରମ୍ପ କହିଥିଲେ, ଆମେରିକା ଏବଂ ଇରାନ ମଧ୍ୟରେ ଚାଲିଥିବା ଯୁଦ୍ଧ ସମାପ୍ତ କରିବା ପାଇଁ ଗଠନମୂଳକ ଆଲୋଚନା ହୋଇଛି । କାବୁଲରେ ଥିବା ଇରାନୀ ଦୂତାବାସ ଇରାନର ଦୃଢ଼ ଚେତାବନୀ ପରେ ଟ୍ରମ୍ପ ମୁଣ୍ଡ ନୁଆଁଇଲେ ବୋଲି ଏକ କଟୁ ପ୍ରତିକ୍ରିୟା ପୋଷ୍ଟ କରିଛି।
କାହିଁକି ହଟିଲେ ଟ୍ରମ୍ପ ?
ଇରାନର ଶକ୍ତି ଭିତ୍ତିଭୂମି ଉପରେ ଆମେରିକାର କୌଣସି ଆକ୍ରମଣ ହେଲେ, ଇସଲାମିକ୍ ଗଣରାଜ୍ୟ ସମଗ୍ର ଅଞ୍ଚଳର ଶକ୍ତି ଭିତ୍ତିଭୂମିକୁ ଟାର୍ଗେଟ କରିବ ବୋଲି ଧମକ ଦେବା ପରେ ଟ୍ରମ୍ପ ପଛକୁ ହଟିଗଲେ । ଟ୍ରମ୍ପ କହିଥିଲେ ଯେ ସେ ଆକ୍ରମଣକୁ ସ୍ଥଗିତ ରଖିବା ପାଇଁ ନିର୍ଦ୍ଦେଶ ଜାରି କରିଛନ୍ତି । ସୋମବାର ଇରାନର ଆଫଗାନିସ୍ତାନ କୂଟନୈତିକ ମିଶନର X ହ୍ୟାଣ୍ଡେଲରେ ଏହା ପୋଷ୍ଟ କରାଯାଇଛି।
ଆମେରିକାର ସହଯୋଗୀ ଇସ୍ରାଏଲ ବିଷୟରେ ଇରାନ କିଛି ପ୍ରତିକ୍ରିୟା ଦେଇନାହିଁ । ଇସ୍ରାଏଲ୍ ଲେବାନନକୁ ଯୁଦ୍ଧକୁ ବିସ୍ତାର କରିଛି ଏବଂ ଗତ ସପ୍ତାହରେ ଇରାନ ଦ୍ୱାରା ସିଧାସଳଖ ଆକ୍ରମଣର ଶିକାର ହୋଇଛି । ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କ କାର୍ଯ୍ୟାଳୟ ଟ୍ରମ୍ପଙ୍କ ଏହି ପୋଷ୍ଟ ଉପରେ କୌଣସି ପ୍ରତିକ୍ରିୟା ପ୍ରକାଶ କରି ତୁରନ୍ତ ବିବୃତି ଜାରି କରିନାହିଁ।
