ପ୍ରକୃତ ଶାନ୍ତି ପାଇଁ 26 ବର୍ଷ ବୟସରେ କୋଟି କୋଟି ଟଙ୍କାର ଚାକିରୀ ଛାଡ଼ିଦେଲେ IITIAN

ବଡ଼ କମ୍ପାନୀ, ମାସକୁ କୋଟି କୋଟି ଟଙ୍କାର ରୋଜଗାର । ଏସବୁ କିନ୍ତୁ ତାଙ୍କୁ ବାନ୍ଧି ରଖିପାରିଲାନି । ଶେଷରେ ସେ ଏଥିରୁ ମୁକ୍ତ ହୋଇ ଶାନ୍ତି ଖୋଜିବାକୁ ବାହାରିଲେ। ଏଠି ଆମେ କୌଣସି ସନ୍ୟାସୀଙ୍କ କଥା କହୁନୁ, ଆମେ କହୁଛୁ ଜଣେ 26 ବର୍ଷୀୟ IITIAN ଙ୍କ କଥା ।

ଏହି IIT ଗ୍ରାଜୁଏଟ୍ ଆମେରିକାରେ ଏକ ବଡ଼ ବ୍ୟାଙ୍କରେ ଉଚ୍ଚ ଦରମାର ଚାକିରି କରୁଥିଲେ। ସେ ଡାଇରେକ୍ଟର ପଦବୀରେ ଥିଲେ ଏବଂ ଭଲ ଟଙ୍କା ରୋଜଗାର କରୁଥିଲେ। ତାଙ୍କର ଏକ ୪ BHK ଘର ମଧ୍ୟ ଥିଲା। କିନ୍ତୁ ସେ ଭିତରେ ଖୁସି ହୋଇପାରୁ ନଥିଲେ। ସେ କହିଲେ, “ପଦବୀ ଓ ରୋଜଗାର ମୋ ଆତ୍ମାକୁ ଖାଇବାକୁ ଦେଉ ନଥିଲା।”୨୦୧୩ ମସିହାରେ ସେ ବଡ଼ ନିଷ୍ପତ୍ତି ନେଲେ।

ଚାକିରି ଛାଡ଼ିଦେଲେ, ୪ BHK ଘର ବିକ୍ରି କରିଦେଲେ ଏବଂ କେବଳ ଏକ ବ୍ୟାଗ୍ ସହିତ ଏକା ଦୁନିଆ ବୁଲିବାକୁ ବାହାରିଲେ। ୧୮ ମାସ ମଧ୍ୟରେ ସେ ୩୫ଟି ଦେଶ ବୁଲିଲେ। ରଶିଆର ପର୍ବତରୁ ମିଶରର ମରୁଭୂମି ପର୍ଯ୍ୟନ୍ତ ସବୁ ଦେଖିଲେ। ଏହି ଯାତ୍ରାରେ ସେ ନିଜକୁ ଭଲଭାବେ ଜାଣିଲେ।ମଣ୍ଟେନେଗ୍ରୋରେ ସେ କ୍ୟାଥି ନାମକ ଏକ ଅଷ୍ଟ୍ରିଆର ସୋସିଆଲ୍ ୱର୍କରଙ୍କୁ ଭେଟିଲେ। ମାତ୍ର ୧୦ ମିନିଟ୍ କଥାହେବାରୁ ସେମାନଙ୍କର ଭଲ ପ୍ରେମ ହେଲା।

ପରେ ସେମାନେ ୨୦୧୬ରେ ବିବାହ କଲେ। ଏବେ ସେମାନଙ୍କର ତିନିଜଣ ପିଲାମାନେ ଅଛନ୍ତି।ଏବେ ସେମାନେ ପରିବାର ସହିତ ଦୁନିଆ ବୁଲୁଛନ୍ତି। ଘର କିମ୍ବା ଗାଡ଼ି କିଛି ନାହିଁ। ସାଧାରଣ ହୋମଷ୍ଟେରେ ରହନ୍ତି। ସ୍ୱାଧୀନ ଭାବେ ରହିବାକୁ ସେମାନେ ଅଧିକ ଗୁରୁତ୍ୱ ଦିଅନ୍ତି। ପୁରୁଣା ଚାକିରିର ଟଙ୍କାରୁ ସେମାନେ ଏହି ଜୀବନ ଜୀଉଁଛନ୍ତି ।

ସେ କହନ୍ତି, “ମୁଁ ୪ BHK ଘର ବଦଳରେ ପୁରା ଦୁନିଆ ନେଇଛି। ଆମେ ରାଜାଙ୍କ ଭଳି ଜୀବନ ବିତାଉଛୁ।”ଏହି କାହାଣୀ ଇନ୍ଟରନେଟରେ ଭାଇରାଲ୍ ହୋଇଛି। ଲୋକମାନେ ସଫଳତା କଣ ବୋଲି ଚର୍ଚ୍ଚା କରୁଛନ୍ତି – ଟଙ୍କା ଓ ପଦବୀ ନା ଖୁସି ଓ ଅଭିଜ୍ଞତା। ଏହା ପ୍ରମାଣ କରୁଛି ଯେ ଜୀବନରେ କେତେବେଳେ ବି ବଡ଼ ପରିବର୍ତ୍ତନ ଆସିପାରେ ।