କର୍ଣ୍ଣାଟକର ଜଣେ କଂଗ୍ରେସ ବିଧାୟକଙ୍କ ବୟାନ ସମ୍ପ୍ରତି ବଡ ବିବାଦର ମଞ୍ଜି ବୁଣିଛି। IPL ଟିକେଟ ବଣ୍ଟନକୁ ନେଇ ସେ କହିଛନ୍ତିଯେ , ଆମେ VIP, ଧାଡିରେ ଛିଡ଼ାହୋଇ ଟିକେଟ ନେଇପାରିବୁନି । ଆମକୁ ଅତି କମରେ 5ଟି ଟିକେଟ ମିଳୁ ।
କର୍ଣ୍ଣାଟକର କଂଗ୍ରେସ ବିଧାୟକ ବିଜୟାନନ୍ଦ କଶପନାବର (ହୁଙ୍ଗୁନ୍ଦ ବିଧାୟକ) କହିଛନ୍ତି ଯେ, କର୍ଣ୍ଣାଟକ ଷ୍ଟେଟ୍ କ୍ରିକେଟ୍ ଆସୋସିଏସନ୍ (KSCA) ପ୍ରତ୍ୟେକ ବିଧାୟକଙ୍କୁ କମ୍ ସେ କମ୍ ୫ଟି ଟିକେଟ୍ ଦେବା ଉଚିତ୍। ସେ କହିଛନ୍ତି:
- ବିଧାୟକମାନେ VIP ଅଟନ୍ତି। ସେମାନେ ସାଧାରଣ ଲୋକଙ୍କ ଭଳି କ୍ୟୁରେ ଠିଆ ହୋଇ ଟିକେଟ୍ କାଟିପାରିବେ ନାହିଁ।
- KSCA ବିଧାୟକ, ମନ୍ତ୍ରୀ ଓ ତାଙ୍କ ପରିବାରଙ୍କୁ ଟିକେଟ୍ ଦେଉ ନାହିଁ ଏବଂ ସେମାନଙ୍କୁ ସାଧାରଣ ଗ୍ୟାଲେରୀରେ ପଠାଉଛି।
- କ୍ରିକେଟ୍ ଆସୋସିଏସନ୍ ସରକାରରୁ ଜମି, ସୁରକ୍ଷା ଓ ସମସ୍ତ ସୁବିଧା ନେଉଛି, କିନ୍ତୁ ବିଧାୟକଙ୍କୁ ସମ୍ମାନ ଦେଉ ନାହିଁ।
ବିଧାୟକ ଆହୁରି କହିଛନ୍ତି ଯେ, ଅନଲାଇନ୍ ଟିକେଟ୍ ବିକ୍ରିରେ କଳାବଜାର ଚାଲୁଛି। ଏଥିପାଇଁ ସେମାନେ ସରକାରଙ୍କୁ ଅନୁରୋଧ କରିଛନ୍ତି ଏବଂ ବିରୋଧୀ ଦଳର ନେତା ବି ବିଧାନସଭାରେ ଏ ପ୍ରସଙ୍ଗ ଉଠାଇଛନ୍ତି। ଅଲଗା ବସିବା ବ୍ୟବସ୍ଥା କରିବାକୁ ବିଧାୟକ କହିଛନ୍ତି, “ଆମେ VIP। ଆମେ କ୍ୟୁରେ ଠିଆ ହୋଇ ରହିପାରିବୁ ନାହିଁ। ପୂର୍ବରୁ ଥରେ ଯାଇଥିଲୁ ଓ ସାଧାରଣ ଲୋକଙ୍କ ସହ ଗ୍ୟାଲେରୀରେ ବସିଥିଲୁ। ଏହା ଆଉ ହେବ ନାହିଁ। ବିଧାୟକଙ୍କ ପାଇଁ ଅଲଗା ବସିବା ବ୍ୟବସ୍ଥା କରିବାକୁ ପଡ଼ିବ।
ବିରୋଧୀ ଦଳର ନେତା ଆର୍. ଆଶୋକ ମଧ୍ୟ KSCAକୁ ଟାର୍ଗେଟ୍ କରିଛନ୍ତି। ସେ କହିଛନ୍ତି ଯେ, KSCAକୁ ସରକାର ମାତ୍ର ୧୬୦୦ ଟଙ୍କାରେ ଜମି ଦେଇଛି, କିନ୍ତୁ ଟିକେଟ୍ ପାଇଁ ହଜାର ଟଙ୍କା ନେଉଛି। ସେମାନେ କୋଟି କୋଟି ଟଙ୍କା ରୋଜଗାର କରୁଛନ୍ତି ଓ ସରକାରକୁ ଲୁଟୁଛନ୍ତି ବୋଲି ଅଭିଯୋଗ କରିଛନ୍ତି। ତେବେ ଏହି ବିବାଦ ଉପରେ ସରକାର କହିଛନ୍ତି…
- ବିଧାନସଭା ସ୍ପିକର ୟୁ.ଟି. ଖାଦର କହିଛନ୍ତି ଯେ, ସରକାର KSCA ସହ ଆଲୋଚନା କରିବା ଉଚିତ୍। ବିଧାୟକଙ୍କୁ କମ୍ ସେ କମ୍ ୪ଟି ଟିକେଟ୍ ଓ ପରିବାରଙ୍କ ପାଇଁ ଦେବାକୁ କହିବା ଦରକାର।
- ଉପ ମୁଖ୍ୟମନ୍ତ୍ରୀ ଡି.କେ. ଶିବକୁମାର କହିଛନ୍ତି ଯେ, ସେ KSCA ପ୍ରେସିଡେଣ୍ଟଙ୍କ ସହ କଥା ହେବେ ଏବଂ ଏହି ସମସ୍ୟାର ସମାଧାନ କରିବେ। ସେ ମଧ୍ୟ KSCAର ସଦସ୍ୟ ଅଟନ୍ତି ବୋଲି କହିଛନ୍ତି।
ସୂଚନାଯୋଗ୍ୟଯେ, ୨୦୨୬ IPL ମାର୍ଚ୍ଚ ୨୮ ତାରିଖରେ ଆରମ୍ଭ ହେବ। ପ୍ରଥମ ମ୍ୟାଚ୍ ହେବ ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଳୁରୁ (RCB) ଓ ସନ୍ରାଇଜର୍ସ ହାଇଦ୍ରାବାଦ ମଧ୍ୟରେ।
