ସକାଳେ ଜାଳୁଚି, ସନ୍ଧ୍ୟାରେ ଛେଚୁଚି…୨୦ ଜିଲ୍ଲାକୁ କାଳବୈଶାଖୀ ଆଲର୍ଟ

ଓଡ଼ିଶାରେ କାଳବୈଶାଖୀର ପ୍ରକୋପ ଜାରି ରହିଛି। ସକାଳେ ତାତି ସିଝାଉଥିବା ବେଳେ ସଂଧ୍ୟାରେ ପ୍ରବଳ ଝଡ଼-ବର୍ଷାରେ ଭିଜାଇ ଦେଉଛି। ଆଜି ରାଜ୍ୟର ୨୦ଟି ଜିଲ୍ଲାରେ କଳବୈଶାଖୀ ଝଡ଼ ସହ ବର୍ଷା, ବିଜୁଳି ଏବଂ ଘଡ଼ଘଡ଼ି ପାଇଁ ଚେତାବନୀ ଜାରି କରାଯାଇଛି।ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର (IMD) ଅନୁଯାୟୀ, ୭ଟି ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଏବଂ ୧୩ଟି ଜିଲ୍ଲାକୁ ୟେଲୋ ଆଲର୍ଟ ଜାରି ହୋଇଛି। ଅରେଞ୍ଜ ୱାର୍ଣ୍ଣିଂ ଜାରି ହୋଇଥିବା ଜିଲ୍ଲାଗୁଡ଼ିକରେ ପ୍ରବଳ ଝଡ଼, କୁଆପଥର (ଶିଳାବର୍ଷା), ବିଜୁଳି ଘଡ଼ଘଡ଼ି ଏବଂ ପ୍ରବଳ ପବନ ସହ ଭାରି ବର୍ଷା ହେବାର ସମ୍ଭାବନା ରହିଛି। ୟେଲୋ ଆଲର୍ଟ ଜାରି ହୋଇଥିବା ଜିଲ୍ଲାଗୁଡ଼ିକରେ ମଧ୍ୟମ ଝଡ଼-ବର୍ଷା ସହ ବିଜୁଳି ଏବଂ ଘଡ଼ଘଡ଼ି ହେବାର ଆଶଙ୍କା ରହିଛି।

କେଉଁ ଜିଲ୍ଲାଗୁଡ଼ିକରେ କେଉଁ ୱାର୍ଣ୍ଣିଂ?

• ଅରେଞ୍ଜ ୱାର୍ଣ୍ଣିଂ (୭ ଜିଲ୍ଲା): ପ୍ରବଳ କଳବୈଶାଖୀ ପ୍ରଭାବ ସହ ଶିଳାବର୍ଷା ଏବଂ ପ୍ରବଳ ପବନର ସମ୍ଭାବନା।
• ୟେଲୋ ଆଲର୍ଟ (୧୩ ଜିଲ୍ଲା): ଝଡ଼-ବର୍ଷା, ବିଜୁଳି ଘଡ଼ଘଡ଼ି ଏବଂ ମଧ୍ୟମ ପବନର ଆଶଙ୍କା।

ପାଣିପାଗ ବିଭାଗ କହିଛି ଯେ, ଆଜି ସଂଧ୍ୟା ସମୟରେ ରାଜ୍ୟର ଅଧିକାଂଶ ସ୍ଥାନରେ କାଳବୈଶାଖୀ ଝଡ଼ ଆସିପାରେ। ପବନର ବେଗ ୪୦ରୁ ୫୦ କିଲୋମିଟର ପ୍ରତି ଘଣ୍ଟା ପର୍ଯ୍ୟନ୍ତ ପହଞ୍ଚିପାରେ। କେତେକ ସ୍ଥାନରେ କୁଆପଥର ବର୍ଷା ହେବାର ସମ୍ଭାବନା ମଧ୍ୟ ରହିଛି। ଏହା ଫଳରେ କୃଷକ, ଯାତ୍ରୀ ଏବଂ ସାଧାରଣ ଲୋକଙ୍କୁ ବିଶେଷ ସତର୍କତା ଅବଲମ୍ବନ କରିବାକୁ ପରାମର୍ଶ ଦିଆଯାଇଛି।

କଣ କରିବେ ନାହିଁ?

• ଖୋଲା ଜାଗାରେ ରହିବା ଏଡ଼ାନ୍ତୁ, ବିଶେଷକରି ଗଛ ତଳେ କିମ୍ବା ବିଜୁଳି ପୋଲ୍ ପାଖରେ।
• ବିଜୁଳି ଘଡ଼ଘଡ଼ି ସମୟରେ ମୋବାଇଲ୍ ଫୋନ୍ ବ୍ୟବହାର କରିବା ଏଡ଼ାନ୍ତୁ।
• କୃଷକମାନେ ଖେତରେ କାମ କରୁଥିବା ସମୟରେ ସତର୍କ ରହନ୍ତୁ।
• ଘରର ଛାତ ଉପରେ ରଖାଯାଇଥିବା ହାଲୁକା ଜିନିଷ ସୁରକ୍ଷିତ ସ୍ଥାନରେ ରଖନ୍ତୁ।

କଳବୈଶାଖୀ ପ୍ରଭାବରେ ରାଜ୍ୟର ଉତ୍ତାପ କିଛି ପରିମାଣରେ କମିବ ବୋଲି ଆଶା କରାଯାଉଛି, କିନ୍ତୁ ଝଡ଼-ବର୍ଷା ଯୋଗୁଁ ଚାଷ ନଷ୍ଟର ଆଶଙ୍କା ରହିଛି। ପାଣିପାଗ ବିଭାଗ ଆଗାମୀ ଦିନଗୁଡ଼ିକରେ ମଧ୍ୟ ଏହିପରି କାଳବୈଶାଖୀ ପ୍ରଭାବ ଜାରି ରହିପାରେ ବୋଲି ସୂଚନା ଦେଇଛି।