ଭାରତର ଇନିଂସ ଘୋଷଣା, ଜୟସ୍ବାଲଙ୍କ ପରେ ଗିଲ୍ ଙ୍କ ଶତକ

ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଦ୍ୱିତୀୟ ଟେଷ୍ଟ ମ୍ୟାଚ୍‌ର ଦ୍ୱିତୀୟ ଦିନରେ ଭାରତ 5 ୱିକେଟ ବିନିମୟରେ 518 ରନ୍ କରି ପାଳି ଘୋଷଣା କରିଛି। ଓ୍ବେଷ୍ଟ ଇଣ୍ଡିଜ ପ୍ରଥମ ପାଳିରେ ଚାରି ଓ୍ବିକେଟ ହରାଇ 140 ରନ୍ କରିଛି ।  ଆଜି ଭାରତର ପ୍ରଥମ ପାଳିର ଦ୍ଵିତୀୟ ଦିନର ଦ୍ୱିତୀୟ ଓଭରରେ ଜୟସ୍ୱାଲ 175 ରନ୍ କରି ରନ୍ ଆଉଟ୍ ହୋଇଥିଲେ।

ଗିଲ୍ ଙ୍କ ସହ ସମନ୍ୱୟର ଅଭାବ ହେତୁ ଜୟସ୍ୱାଲ ତାଙ୍କର ୱିକେଟ ହରାଇଥିଲେ। ସମସ୍ତଙ୍କ ନଜର ଜୟସ୍ୱାଲଙ୍କ ଉପରେ ଥିଲା, କିନ୍ତୁ ଏକ ଛୋଟ ଭୁଲ ଜୟସ୍ୱାଲଙ୍କୁ ଦ୍ୱିଶତକ ହାସଲ କରିବାରୁ ବଞ୍ଚିତ ରଖିଥିଲା ଏବଂ ଭାରତ 325 ରନରେ ତୃତୀୟ ୱିକେଟ୍ ହରାଇଥିଲା। ତା’ପରେ ନୀତୀଶ କୁମାର ରେଡ୍ଡୀ ବ୍ୟାଟିଂ କରିବାକୁ ଆସିଥିଲେ। ହେଲେ ସେ ନିଜସ୍ବ ସ୍କୋର୍ 43 ରନ ଓ ଭାରତ 416 ରନରେ ଚତୁର୍ଥ ୱିକେଟ୍ ହରାଇଥିଲା। ମଧ୍ୟାହ୍ନ ଭୋଜନ ସମୟରେ ଭାରତର ମୋଟ ସ୍କୋର 427 ରନ୍ ଥିଲା।

ଗିଲ 75 ରନ୍ ଏବଂ ଜୁରେଲ 7 ରନ୍ କରି ବ୍ୟାଟିଂ କରୁଥିଲେ। ମଧ୍ୟାହ୍ନ ଭୋଜନ ବିରତି ପରେ ଧ୍ରୁବ ଜୁରେଲ୍ 44 ରନ୍ କରି ଆଉଟ୍ ହେବା ପରେ ଭାରତ ଇନିଂସ ଘୋଷଣା କରିଥିଲା। ସେହି ସମୟରେ ଅଧିନାୟକ ଗିଲ୍ 129 ରନ୍‌ କରି ଅପରାଜିତ ରହିଥିଲେ। ଭାରତୀୟ ଦଳ 5 ୱିକେଟ୍ ହରାଇ 518 ରନ୍‌ର ବିଶାଳ ସ୍କୋର କରିବା ପରେ ପ୍ରଥମ ଇନିଂସ ଘୋଷଣା କରିଥିଲା। ଧ୍ରୁବ ଜୁରେଲ୍ 44 ରନ୍‌ରେ ଆଉଟ୍ ହେବା ମାତ୍ରେ ନନ୍-ଷ୍ଟ୍ରାଇକ୍ ଏଣ୍ଡରେ ଠିଆ ହୋଇଥିବା ଭାରତୀୟ ଅଧିନାୟକ ଶୁଭମନ ଗିଲ୍ ଇନିଂସ ଘୋଷଣା କରିଥିଲେ। ସେ ନିଜେ ଅପରାଜିତ 129 ରନ୍‌ର ଏକ ଚମତ୍କାର ଇନିଂସ ଖେଳିଥିଲେ। ଯେଉଁଥିରେ 16 ଚୌକା ଏବଂ ଦୁଇଟି ଛକା ଅନ୍ତର୍ଭୁକ୍ତ ଥିଲା। ଏହା ତାଙ୍କର 10ମ ଟେଷ୍ଟ ଶତକ ଥିଲା। ୱେଷ୍ଟଇଣ୍ଡିଜ୍ ପାଇଁ ୱାର୍କିନ୍ ତିନିଟି ୱିକେଟ୍ ନେଇଥିଲେ। ଯେତେବେଳେ ଅଧିନାୟକ ଚେଜ୍ ଗୋଟିଏ ୱିକେଟ୍ ନେଇଥିଲେ।