ନୂଆପଡ଼ାରେ ବିଜେଡିର ଜୋରଦାର ପ୍ରଚାର । ବିଜେଡି ପ୍ରାର୍ଥୀ ସ୍ନେହାଙ୍ଗିନୀ ଛୁରିଆ କହିଲେ, ନୂଆପଡ଼ାର ଉନ୍ନତି ପାଇଁ କାମ କରିବି । ନୂଆପଡ଼ା ନିର୍ବାଚନମଣ୍ଡଳୀରେ ବିଜୁ ଜନତା ଦଳ (ବିଜେଡି)ର ପ୍ରଚାର ଅଭିଯାନ ଜୋର ଧରିଛି। ଦଳର ପ୍ରାର୍ଥୀ ସ୍ନେହାଙ୍ଗିନୀ ଛୁରିଆ ବିଭିନ୍ନ ଗ୍ରାମ ଓ ସହରାଞ୍ଚଳରେ ଜନସଭା କରି ଭୋଟରଙ୍କ ସହ ସିଧା ସମ୍ପର୍କ ସ୍ଥାପନ କରୁଛନ୍ତି। ହଜାର ହଜାର ସମର୍ଥକଙ୍କ ଭିଡ଼ ମଧ୍ୟରେ ସେ ନୂଆପଡ଼ାର ବିକାଶ ଓ ଉନ୍ନତି ପାଇଁ ନିଜର ପ୍ରତିଶ୍ରୁତି ଦୋହରାଇଛନ୍ତି। ଜନସଭାରେ ସ୍ନେହାଙ୍ଗିନୀ ଛୁରିଆ କହିଛନ୍ତି, “ନୂଆପଡ଼ା ମୋର ଜନ୍ମଭୂମି ଏବଂ କର୍ମଭୂମି। ଏଠାର ଲୋକଙ୍କ ଦୁଃଖ-ଦୁର୍ଦ୍ଦଶା ମୁଁ ନିକଟରୁ ଦେଖିଛି। ଯଦି ଆପଣମାନେ ମୋତେ ସୁଯୋଗ ଦିଅନ୍ତି, ତେବେ ମୁଁ ନୂଆପଡ଼ାର ରାସ୍ତାଘାଟ, ଶିକ୍ଷା, ସ୍ୱାସ୍ଥ୍ୟ ଏବଂ କୃଷି କ୍ଷେତ୍ରରେ ଉନ୍ନତି ଆଣିବି। ଆମର ନେତା ନବୀନ ପଟ୍ଟନାୟକଙ୍କ ନେତୃତ୍ୱରେ ଓଡ଼ିଶା ଯେଉଁ ଉନ୍ନତି କରିଛି, ସେହି ମଡେଲକୁ ନୂଆପଡ଼ାରେ ଲାଗୁ କରି ଏହାକୁ ଆଦର୍ଶ ନିର୍ବାଚନମଣ୍ଡଳୀ କରିବି।” ସ୍ନେହାଙ୍ଗିନୀଙ୍କ ସହ ପ୍ରଚାର ଅଭିଯାନରେ ବିଜେଡି କର୍ମୀମାନେ ଗାଁ ଗାଁ ବୁଲି ଭୋଟରଙ୍କ ସହ ଆଲୋଚନା କରୁଛନ୍ତି। ବିଜେଡି ନେତାମାନେ କହୁଛନ୍ତି ଯେ, ସ୍ନେହାଙ୍ଗିନୀଙ୍କ ଉତ୍ସାହ ଏବଂ ସ୍ଥାନୀୟ ସମସ୍ୟା ବିଷୟରେ ଗଭୀର ଜ୍ଞାନ ଦଳକୁ ବଳ ଯୋଗାଇଛି। ଏହି ପ୍ରଚାରରେ ମହିଳା ଓ ଯୁବକମାନେ ବିଜେଡି ପଛରେ ରହିଛନ୍ତି । ନିର୍ବାଚନ ନିକଟତର ହେଉଥିବା ବେଳେ ବିଜେଡିର ଏହି ଜୋରଦାର ପ୍ରଚାର ନୂଆପଡ଼ାର ରାଜନୈତିକ ପରିବେଶକୁ ଉତ୍ତେଜିତ କରିଛି।
ନୂଆପଡ଼ାର ବିକାଶ ସଂକଳ୍ପ ନେଇ ଲୋକଙ୍କ ପାଖରେ ପହଞ୍ଚୁଥିବା ବିଜେଡି ପ୍ରାର୍ଥୀନୀ ସ୍ନେହାଙ୍ଗିନୀ ଛୁରିଆଙ୍କୁ ନୂଆପଡ଼ା ଲୋକଙ୍କ ସମର୍ଥନ କେତେ ରହିଛି ଭୋଟ ପରେ ଜଣାପଡ଼ିବ । ଖରିଆର ରୋଡ୍ ଏନଏସି ଠାରେ ଆୟୋଜିତ ସଭାରେ ସଭାରେ ଶ୍ରୀମତୀ ଛୁରିଆ ସ୍ଥାନୀୟ ଲୋକଙ୍କ ସହ ବେଶ କିଛି ସମୟ ଧରି ଫଳପ୍ରଦ ଆଲୋଚନା କରିଥିଲେ । ଖରିଆରର ଲୋକମାନେ ଶ୍ରୀମତୀ ଛୁରିଆଙ୍କୁ ହୃଦୟପୂର୍ବକ ସ୍ୱାଗତ କରି ଆଗାମୀ ଉପନିର୍ବାଚନରେ ନବୀନ ବାବୁଙ୍କ ହାତ ମୁଠାକୁ ଟାଣ କରିବା ପାଇଁ ନିର୍ଭର ପ୍ରତିଶ୍ରୁତି ଦେଇଥିଲେ ।
ଆଲୋଚନା ସମୟରେ, ଶ୍ରୀମତୀ ଛୁରିଆ ଲୋକମାନଙ୍କ ଆଶା ଓ ଆକାଂକ୍ଷାକୁ ମର୍ମେ ମର୍ମେ ଶୁଣିବା ସହ ସବୁ ପରିସ୍ଥିତିରେ ଖରିଆର ରୋଡ୍ବାସୀଙ୍କ ସହ ଅଟଳ ଭାବେ ଛିଡ଼ା ହେବା ପାଇଁ ଆଶ୍ୱାସନା ଦେଇଥିଲେ । ଅଞ୍ଚଳର ଉନ୍ନତି ସହିତ ପ୍ରତ୍ୟେକ ବର୍ଗର ଲୋକଙ୍କ କଲ୍ୟାଣ ପାଇଁ ନିରନ୍ତର ଉଦ୍ୟମ କରିବେ ବୋଲି କଥା ଦେଇଥିଲେ । ବିଶେଷ କରି ଭିତ୍ତିଭୂମିର ବିକାଶ, ଶିକ୍ଷା, ସ୍ୱାସ୍ଥ୍ୟସେବା, ମହିଳା ସଶକ୍ତିକରଣ ଓ ଯୁବ ନିଯୁକ୍ତିକୁ ଗୁରୁତ୍ୱ ଦେବାରେ ଅବହେଳା କରିବେ ନାହିଁ ବୋଲି ନିର୍ଭର ପ୍ରତିଶ୍ରୁତି ଦେଇ ସମର୍ଥନ ଲୋଡ଼ିଥିଲେ । ଏହି ବୈଠକରେ ଉପସ୍ଥିତ ବ୍ୟବସାୟୀ ଓ ବରିଷ୍ଠ ନାଗରିକ ମାନଙ୍କ ଆଖିରେ ବିଶ୍ୱାସର ଏକ ଚିତ୍ର ସ୍ପଷ୍ଟ ପରିଲକ୍ଷିତ ହେଉଥିଲା ।ଭୋଟରମାନେ ସ୍ନେହାଙ୍ଗିନୀଙ୍କ ପ୍ରତିଶ୍ରୁତିକୁ କିପରି ଗ୍ରହଣ କରୁଛନ୍ତି, ତାହା ନିର୍ବାଚନ ଫଳାଫଳରେ ଜଣାପଡ଼ିବ।
