ଦୁବାଇ ଏୟାର ଶୋ’ ପ୍ରଦର୍ଶନୀରେ ଅଂଶଗ୍ରହଣ କରିଥିବା ଏକ ତେଜସ୍ ଲଢ଼ୁଆ ବିମାନ ଦୁର୍ଘଟଣାଗ୍ରସ୍ତ ହୋଇଥିବା ଖବର ଆସିଛି। ଭାରତୀୟ ବାୟୁସେନା ତରଫରୁ ଏକ ଦୁଃଖଦ ଖବର ପ୍ରକାଶ ପାଇଛି। ଦୁବାଇ ଏୟାର ଶୋ’ରେ ଆକାଶ ମାର୍ଗରେ ପ୍ରଦର୍ଶନ କରୁଥିବା ସମୟରେ LCA ତେଜସ୍ ଲଢୁଆ ବିମାନ ଦୁର୍ଘଟଣାଗ୍ରସ୍ତ ହେବା ଫଳରେ ପାଇଲଟ୍ ସହିଦ ହୋଇଛନ୍ତି।
ଭାରତୀୟ ବାୟୁସେନା ଏହି ଘଟଣାରେ ଗଭୀର ଦୁଃଖ ପ୍ରକାଶ କରିବା ସହ ସହିଦ୍ ପାଇଲଟ୍ଙ୍କ ପରିବାର ପ୍ରତି ସମବେଦନା ଜଣାଇଛି। ଦୁବାଇ ଏୟାର ଶୋ’ ବେଳେ ଅପରାହ୍ନ ପ୍ରାୟ ୨.୧୦ ରେ ଆକାଶ ମାର୍ଗରେ ପ୍ରଦର୍ଶନ କରୁଥିବା ସମୟରେ ତେଜସ୍ ବିମାନଟି ଖସି ପଡ଼ିଛି। ଭାଇରାଲ ଭିଡିଓରେ ଦେଖାଯାଉଛି ଦୁର୍ଘଟଣାସ୍ଥଳରୁ କଳା ଧୂଆଁ ଉଠିଥିଲା ଏବଂ ଦର୍ଶକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ଦୁର୍ଘଟଣା ପୂର୍ବରୁ ପାଇଲଟ୍ ବିମାନରୁ ବାହାରକୁ ଆସିପାରିଥିଲେ କି ନାହିଁ, ତାହା ସ୍ପଷ୍ଟ ହୋଇନାହିଁ। ତେବେ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି। କର୍ତ୍ତୃପକ୍ଷଙ୍କ ପକ୍ଷରୁ ଏହି ଘଟଣା ସମ୍ପର୍କରେ ଅଧିକ ସୂଚନା ପ୍ରକାଶ ପାଇନାହିଁ।
