କୁଲଗାମ୍‌ ଏନ୍‌କାଉଣ୍ଟର: ୬ ଆତଙ୍କବାଦୀ ନିପାତ

ଶ୍ରୀନଗର: ଜମ୍ମୁ-କଶ୍ମୀରର କୁଲଗାମ୍‌ ଜିଲ୍ଲାରେ ଆତଙ୍କବାଦୀମାନେ ଲୁଚି ରହିଛନ୍ତି । ଗତ କିଛି ଦିନ ଧରି ସୁରକ୍ଷାକର୍ମୀମାନେ ସର୍ଚ ଅପରେସନ ଚଳାଇଥିବା ବେଳେ ଗତକାଲି ଅପରାହ୍ନରୁ ଆଜି ସକାଳ ପର୍ଯ୍ୟନ୍ତ ଜାରି ରହିଥିବା ଦୁଇଟି ଏନକାଉଣ୍ଟରରେ ଦୁଇ ଯବାନ ସହିଦ ହୋଇଥିବା ବେଳେ ସୁରକ୍ଷା କର୍ମୀଙ୍କ ଗୁଳିରେ ୬ ଜଣ ଆତଙ୍କବାଦୀ ନିହତ ହୋଇଛନ୍ତି। ଏହି ଏନକାଉଣ୍ଟର କୁଲଗାମର ମୋଡରଗାମ ଏବଂ ଚିନିଗାମ ଗାଁରେ ଘଟିଛି। ଏହି ୬ ଜଣ ଆତଙ୍କବାଦୀଙ୍କ ମଧ୍ୟରୁ ୨ ଜଣ ମୋଡରଗାମ୍‌ ଏବଂ ବାକି ୪ ଜଣ ଚିନିଗାମରେ ନିହତ ହୋଇଛନ୍ତି। ପ୍ରଥମ ଏନକାଉଣ୍ଟର ମୋଡରଗାମ ଗ୍ରାମରେ ହୋଇଥିଲା, ଯେଉଁଠାରେ ପାରା କମାଣ୍ଡୋ ଲାନ୍ସ ନାୟକ ପ୍ରଦୀପ ନୈନ ସହିଦ ହୋଇଥିଲେ।