ନୂଆପଡ଼ା ଜିଲ୍ଲାପାଳଙ୍କ କାର୍ଯ୍ୟାଳୟ ଘେରିଲା ବିଜେଡି, ଜିଲ୍ଲାପାଳ ଓ ଏସପି ବିଜେପି ପାଇଁ କାମ କରୁଥିବା ଅଭିଯୋଗ

ନୂଆପଡ଼ା ଉପନିର୍ବାଚନ ପାଇଁ ଜିଲ୍ଲାପାଳ ଏବଂ ଏସପି ବିଜେପିର ଏଜେଣ୍ଟ ଭଳି କାର୍ଯ୍ୟ କରୁଥିବା ଅଭିଯୋଗ କରିଛି ବିଜୁ ଜନତା ଦଳ । ଏନେଇ ଆଜି ଦଳ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରାଯିବା ସହ ନୂଆପଡା ଉପନିର୍ବାଚନକୁ ମୁକ୍ତ, ଅବାଧ ଓ ନିରପେକ୍ଷ ପରିଚାଳନା ପାଇଁ ବର୍ତ୍ତମାନର ଜିଲ୍ଲାପାଳ,ଏସପିଙ୍କୁ ଅନ୍ୟତ୍ର ବଦଳି କରିବା ପାଇଁ ଦାବି କରାଯାଇଛି ।  ବିଜୁ ଯୁବ ଛାତ୍ର ଜନତା ଦଳ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରାଯାଇଛି । ରାଜ୍ୟ ବିଜୁ ଯୁବ ଛାତ୍ର ଜନତା ଦଳ ସଭାପତି ଚିନ୍ମୟ ସାହୁ ଙ୍କ ନେତୃତ୍ୱରେ ଶହଶହ ବିଜେଡି ନେତା ଓ କର୍ମୀ ଏହି ଆନ୍ଦୋଳନରେ ସାମିଲ ହୋଇଥିଲେ । ଏହି ଉପନିର୍ବାଚନକୁ ମୁକ୍ତ, ଅବାଧ ଓ ନିରପେକ୍ଷ ପରିଚାଳନା ପାଇଁ ଜିଲ୍ଲାପାଳ,ଏସପିଙ୍କୁ ଅନ୍ୟତ୍ର ବଦଳି କରିବା ପାଇଁ ଦାବି କରିଛି ବିଜେଡି । ବିଜୁ ଯୁବ ଛାତ୍ର ଜନତା ଦଳର ସଭାପତି ଚିନ୍ମୟ ସାହୁ କହିଛନ୍ତି,”ନୂଆପଡ଼ାରେ ଗଣତନ୍ତ୍ରକୁ ହତ୍ୟା କରାଯାଉଛି । ଜିଲ୍ଲାପାଳ ଓ ଏସପି ନିର୍ବାଚନ ଆଚରଣବିଧିକୁ ଉଲ୍ଲଂଘନ କରୁଛନ୍ତି । ଜିଲ୍ଲାପାଳ ସାଜିଛନ୍ତି ଜିଲ୍ଲା ବିଜେପ ସଭାପତି, ଏସପି ସାଜିଛନ୍ତି ମଣ୍ଡଳ ସଭାପତି ଏବଂ ସରକାରୀ ଅଧିକାରୀମାନେ ବିଜେପି କାର୍ଯ୍ୟକର୍ତ୍ତା ଭାବେ କାର୍ଯ୍ୟ କରୁଛନ୍ତି । ଯାହାକୁ ଆମେ ଦୃଢ ଭାବେ ନିନ୍ଦା କରୁଛୁ । ଯିଏ ଗଣତନ୍ତ୍ରକୁ ରକ୍ଷା କରିବା କଥା, ସେମାନେ ଆଜି ପକ୍ଷପାତିତା କରୁଛନ୍ତି । ଆମ କର୍ମକର୍ତ୍ତାଙ୍କୁ ବଳ ପୂର୍ବକ ଉଠେଇ ନେଇ ବିଜେପିରେ ସାମିଲ କରୁଛନ୍ତି । ଏଠାରେ ବିଜେଡି କର୍ମୀଙ୍କୁ ପୋଲିସ ଦ୍ବାରା ଭୟଭୀତ କରାଯାଉଛି ।