କ୍ରିକେଟରୁ ଅବସର ନେଲେ ଧାୱନ

କ୍ରିକେଟର ସମସ୍ତ ଫର୍ମାଟରୁ ସନ୍ନ୍ୟାସ ନେଲେ ଭାରତର କ୍ରିକେଟ ଦୁନିଆର ଗଵର ଶିଖର ଧୱନ । ଦିନେ ଟେଷ୍ଟ ଦଳରେ ସଚ୍ଚିନ ତାଙ୍କୁ କ୍ୟାପ୍ ଦେଇ କହିଥିଲେ ତମେ ବଡ଼ ଖେଳାଳି ହେବ, ନାମ କରିବ । ଅନେକ ଦିନ ଧରି ସେ ଭାରତୀୟ ଟିମରେ ସାମିଲ ହୋଇ ଦଳକୁ ଜିତାଇବାରେ ମୁଖ୍ୟ ଭୂମିକା ନେଇଥିଲେ । ତେବେ କିଛି ବର୍ଷ ଧରି ସେ ଦଳରୁ ଲଗାତାର ବାଦ୍ ପଡ଼ିବା ପରେ ଅବସର ଘୋଷଣା କରିଛନ୍ତି ଭାରତୀୟ ଦଳର ଏହି ଷ୍ଟାର ଖେଳାଳି । ସୋସିଆଲ ମିଡିଆରେ ଭିଡିଓ ପୋଷ୍ଟ କରି ସେ ଅବସର ଘୋଷଣା କରିଛନ୍ତି। ଭାରତୀୟ କ୍ରିକେଟରେ ଷ୍ଟାର ଓପନରଙ୍କ ତାଲିକାରେ ସ୍ଥାନ ପାଇଥିଲେ ଶିଖର ଧୱନ । ୩୭ ବର୍ଷୀୟ ଏହି ଖେଳାଳି ୨୦୧୦ରେ ଭାରତୀୟ କ୍ରିକେଟରେ ଡେବ୍ୟୁ କରିଥିଲେ। ନିଜ କ୍ୟାରିୟରରେ ଭାରତ ଲାଗି ୩୪ଟି ଟେଷ୍ଟ, ୧୬୭ଟି ଦିନିକିଆ ଏବଂ ୬୮ ଟି-ଟ୍ବେଣ୍ଟି ମ୍ୟାଚ ଖେଳିଛନ୍ତି। ୨୦୧୩ରେ ଟେଷ୍ଟ କ୍ୟାରିୟର ଆରମ୍ଭ କରି ୩୪ ମ୍ୟାଚରୁ ୪୦ ଆଭରେଜରେ ୨୩୧୫ରନ ସଂଗ୍ରହ କରିଥିଲେ।