SCO) ସମ୍ମିଳନୀ ୨୦୨୫ ଚାଇନାର ତିଆନଜିନରେ ଅନୁଷ୍ଠିତ ହେଉଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ, ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ଭିଡିଓ ଭାଇରାଲ ହେଉଛି । ଏହି ନେତାମାନେ ବେଶ ସହଜରେ ହସଖୁସି କରି ଆଲୋଚନା କରୁଥିବା ନଜର ଆସୁଛି । ରୁଷ ସହ ଭାରତର ଆଲୋଚନା ଏବଂ ଚାଇନା ସହ ଭାରତର ଆଲୋଚନାକୁ ସାରା ବିଶ୍ବର ନେତା ନଜର ରଖିଛନ୍ତି । ବିଶେଷ କରି ଆମେରିକା ଏହା ଉପରେ ତୀକ୍ଷ୍ନ ନଜର ରଖିଛି । ଆମେରିକା ପାଇଁ ଏବେ ଟାରିଫ ନୀତି ବଡ଼ କଣ୍ଟା ହୋଇଛି । ଯାହା ଫଳରେ ଭାରତ-ଚାଇନାର ସଂପର୍କ ସୁଦୃଢ଼ ହୋଇଛି । ଆମେରିକାର ଟ୍ରମ୍ପଙ୍କ ଟାରିଫ୍ ନୀତିର ପ୍ରଭାବ ଉପରେ ମୋଦି-ସି କଥା ହୋଇଛନ୍ତି।ଜିନପିଙ୍ଗ ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କୁ ଭେଟି ବେଶ ଉତ୍ସାହିତ ହୋଇଛନ୍ତି। ସେ ମୋଦିଙ୍କୁ ସ୍ୱାଗତ କରିଛନ୍ତି ଓ ଭାରତକୁ ଚାଇନାର ପ୍ରମୁଖ ବନ୍ଧୁ ଭାବେ ଅଭିହିତ କରିଛନ୍ତି। ସେ କହିଛନ୍ତି, “ଚାଇନା ଓ ଭାରତ ସବୁଠାରୁ ବଡ଼ ସଭ୍ୟ ଦେଶ। ଆମେ ବିଶ୍ୱର ସବୁଠାରୁ ଅଧିକ ଜନସଂଖ୍ୟା ବିଶିଷ୍ଟ ରାଷ୍ଟ୍ର ଓ ଗ୍ଲୋବାଲ ସାଉଥର ଅଂଶବିଶେଷ। ବନ୍ଧୁ ଭାବେ ରହିବା, ଜଣେ ଭଲ ପଡ଼ୋଶୀ ହେବା ଓ ଡାର୍ଗନ ଏବଂ ହାତୀ ଏକାଠି ଆଗକୁ ଆସିବା ନିହାତି ଜରୁରୀ।”
ସେପଟେ ଭାରତ-ରୁଷ ସମ୍ପର୍କକୁ ମଜବୁତ୍ କରିବା ଉପରେ ପୁଟିନ ଜୋରଦେଇଛନ୍ତି । ବ୍ୟବସାୟ ଓ ରକ୍ଷା ସହଯୋଗକୁ ମଜବୁତ୍ କରିବାକୁ ମୋଦି-ପୁଟିନ ନିଷ୍ପତ୍ତି ନେଇଛନ୍ତି । ଦୁହେଁ ନେତା ଭାରତ-ରୁଷ ବ୍ୟବସାୟ ଓ ରକ୍ଷା କ୍ଷେତ୍ରରେ ସହଯୋଗକୁ ବଢ଼ାଇବା ଉପରେ ଜୋର ଦେଇଥିଲେ। ରୁଷଠାରୁ ଅଣାଯାଉଥିବା ତେଲ ଉପରେ ପୁଣି ରୁଷ ଅଧିକ ରିହାତି ଦେବାକୁ ରାଜି ହୋଇଛି । ଆମେରିକାର ୫୦% ଟାରିଫ୍ ଲଗାଇଛି । କାରଣ ରୁଷରୁ ଭାରତ ତେଲ କିଣୁଛି । ଭାରତ ରୁଷଠାରୁ ତେଲ କିଣିବା ବନ୍ଦ କରିବ ନାହିଁ ବୋଲି କହିଛି । ଏହା ସହ ଦୁଇ ଦେଶ ପ୍ରତିରକ୍ଷା କ୍ଷେତ୍ର ଉପରେ ଚର୍ଚା କରିଛନ୍ତି । ଆଗାମୀ ଭାରତ ଗସ୍ତ ଉପରେ ପୁଟିନ ଆଲୋଚନା କରିଛନ୍ତି । ପୁଟିନଙ୍କ ଡିସେମ୍ବର ୨୦୨୫ରେ ଭାରତ ଗସ୍ତ କରିବେ । ଏହା ଭାରତ-ରୁଷ ସମ୍ପର୍କକୁ ନୂଆ ଉଚ୍ଚତାକୁ ନେବାର ଆଶା କରାଯାଉଛି । ପ୍ରାୟ ୧ ଘଣ୍ଟା ଧରି ଦୁଇ ନେତା ପରସ୍ପର ସହ ବୈଠକ କରିଛନ୍ତି। ଏହା ସହ ଦି ଦ୍ୱିପାକ୍ଷିକ ସମ୍ପର୍କରେ ଆସିଥିବା ସୁଧାର ସମ୍ପର୍କରେ ଜିନପିଙ୍ଗକୁ ଜଣାଇଛନ୍ତି। ସୀମା ବିବାଦକୁ ନେଇ ଦୁଇ ଦେଶ ମଧ୍ୟରେ ହୋଇଥିବା ସ୍ୱତନ୍ତ୍ର ପ୍ରତିନିଧି ସ୍ତରୀୟ ବୁଝମାଣା ଠାରୁ ଆରମ୍ଭ କରି କୈଳାସ ମାନସରୋବର ଯାତ୍ରାର ଆରମ୍ଭ ଓ ଦୁଇ ଦେଶ ମଧ୍ୟରେ ପୁଣି ସିଧାସଳଖ ବିମାନ ଉଡ଼ାଣ ପାଇଁ ସହମତି ହୋଇଛି।
ପ୍ରଧାନମନ୍ତ୍ରୀ ମୋଦି ଶେଷ ଥର ପାଇଁ ୨୦୧୮ରେ ଚାଇନା ଗସ୍ତ କରିଥିଲେ। ଏହାପରେ ଡୋକଲାମ ବିବାଦ ଦେଖାଯାଇଥିଲା। ୨୦୧୯ରେ ଗଲୱାନି ଘାଟିରେ ଦୁଇ ଦେଶର ସେନା ମୁହାଁମୁହିଁ ହୋଇଥିଲେ। ଏବେ ୭ ବର୍ଷ ପରେ ମୋଦି ଚାଇନା ଗସ୍ତ କରିଛନ୍ତି। ଏଥିର ଫୋକସ ଆର୍ଥିକ ଓ ରଣନୀତି ଉପରେ ରହିଛି। କାରଣ ଟ୍ରମ୍ପଙ୍କ ଟାରିଫ ନୀତି ଯୋଗୁ ଏସିଆ ମହାଦେଶର ଦୁଇ ବଡ଼ ଦେଶ ଏବେ ଅନେକ ଚ୍ୟାଲେଞ୍ଜର ସମ୍ମୁଖୀନ ହେଉଛନ୍ତି।
