ସାଲିଆ ସାହିରେ ଦେଶୀ ମଦ କାରଖାନା

ସାଲିଆସାହିରେ କଣ ସବୁ କାରଖାନା ଅଛି ? ଏ ପ୍ରଶ୍ନର ଉତ୍ତର ଅଜବ ଲାଗିପାରେ । ଏଠି ଦେଶୀ, ବିଦେଶୀ, ଚାଲୁ ଭିନ୍ନ ଭିନ୍ନ କାରଖାନା ଅଛି । ସବୁ ଏଠି ବେନିୟମ ଭାବେ ଚାଲିଛି । ଏମିତି ଏକ କାରଖାନା ଚାଲିଥିଲା  ଅଜ୍‌ବେସ୍‌ଷ୍ଟସ୍‌ ଘରେ। ଘର ଭିତରେ ଥିଲା ସୁଡ଼ଙ୍ଗ। ଅଣ୍ଡର୍‌ଗ୍ରାଉଣ୍ଡରେ ଲାଗିଥିଲା ଏସି ଓ ଏଲ୍‌ଇଡି ଟିଭି। ତା’ ଭିତରେ ଚାଲିଥିଲା ଦେଶୀ ମଦ ତିଆରି। ପୋଲିସ କିନ୍ତୁ ଟେରପାଇନଥିଲା । ଆଉ ଯେତେବେଳେ ଚଢ଼ାଉ କଲା ଆଖି ଟେରା ହୋଇଗଲା । ଖାଲି ସେତିକି ନୁହେଁ ସୁରକ୍ଷା ପାଇଁ ସାଇତା ହୋଇ ରହିଥିଲା ମାରଣାସ୍ତ୍ର। ଏସବୁ ଦେଖି ପୋଲିସ ପଦକ୍ଷେପ ନେଇଛି ।  ସଂପୂର୍ଣ୍ଣ ଭାବେ ଦେଶୀ ମଦ ଭାଟି ବନ୍ଦ କରିବାକୁ କମିସନରେଟ୍‌ ପୁଲିସ ଓ ଅବକାରୀ ବିଭାଗ ପକ୍ଷରୁ ମିଳିତ ଚଢ଼ଉ କରାଯାଇ ।ମଦ ଜବତ ହୋଇଛି ।  ବୁଲ୍‌ଡୋଜର ଚଢ଼ାଇ ଭାଟିକୁ ମାଟିରେ ମିଶେଇଦେଇଛି ପୁଲିସ ପ୍ରଶାସନ । ଗତକାଲିଠାରୁ ଆରମ୍ଭ ହୋଇଥିବା ୩ଟି ବଡ଼ଧରଣର ଚଢ଼ଉରେ ୧୧, ୫୦୦ ଲିଟର ଚାଉଳି ମଦ ଓ ୫୦, ୦୦୦ କେଜିରୁ ଅଧିକ ପୋଚ ନଷ୍ଟ କରିଛି ପୁଲିସ। ୫ଜଣଙ୍କୁ ଅଟକ ରଖାଯାଇଛି। ତେବେ ସାଲିଆ ସାହିରୁ ଆଉ କଣ ସବୁ କାରଖାନା ପୋଲିସ ବାହାର କରୁଛି ତାହା ଦେଖିବାକୁ ବାକି ରହିଲା ।