କେନ୍ଦୁଝର: ଯେଉଁ ବିଦ୍ୟାଳୟରେ ଥିଲେ ଶିକ୍ଷକ, ସେହି ବିଦ୍ୟାଳୟରେ ମୁଖ୍ୟଅତିଥି ଭାବେ ଯୋଗଦେଲେ ମୁଖ୍ୟମନ୍ତ୍ରୀ । ଏହି ଅନୁଭବକୁ ନେଇ ମୁଖ୍ୟମନ୍ତ୍ରୀ ଲେଖିଛନ୍ତି- ”କେନ୍ଦୁଝରର ମୈଦାନକେଲସ୍ଥିତ ପ୍ରଗତି ଉଚ୍ଚ ବିଦ୍ୟାଳୟର ‘ସୁବର୍ଣ୍ଣ ଜୟନ୍ତୀ ଉତ୍ସବ’ରେ ଯୋଗଦେଲି। ୫୦ ବର୍ଷର ଏହି ଗୌରବମୟ ଯାତ୍ରା କେବଳ ଏହି ଅନୁଷ୍ଠାନର ସଫଳତା ନୁହେଁ, ବରଂ ଏହା କେନ୍ଦୁଝର ମାଟିର ଶିକ୍ଷା ଓ ସଂସ୍କୃତିର ଏକ ବିରାଟ ପ୍ରତିଫଳନ। ଜଣେ ପୂର୍ବତନ ଶିକ୍ଷକ ଭାବେ ଛାତ୍ରଛାତ୍ରୀ ଓ ଶିକ୍ଷକମାନଙ୍କ ଗହଣରେ ସମୟ ଅତିବାହିତ କରିବା ମୋ ପାଇଁ ଏକ ଭାବପୂର୍ଣ୍ଣ ମୁହୂର୍ତ୍ତ ଥିଲା। ବିଦ୍ୟାଳୟର ଶୃଙ୍ଖଳା, ଶିକ୍ଷାଦାନର ମାନ ଏବଂ ସଫଳ ପୁରାତନ ଛାତ୍ରମାନଙ୍କର ଅବଦାନ ଦେଖି ଖୁସି ଲାଗିଲା। ଆମ ସରକାର ‘ପିଏମ-ଶ୍ରୀ’ ଏବଂ ‘ଗୋଦାବରୀଶ ମିଶ୍ର ଆଦର୍ଶ ପ୍ରାଥମିକ ବିଦ୍ୟାଳୟ ଯୋଜନା’ ମାଧ୍ୟମରେ ଶିକ୍ଷାର ମୂଳଦୁଆକୁ ସୁଦୃଢ଼ କରିବା ପାଇଁ ସଙ୍କଳ୍ପବଦ୍ଧ। ମୁଁ ଆଶା କରୁଛି, ଏହି ବିଦ୍ୟାଳୟର ପ୍ରତ୍ୟେକ ଛାତ୍ରଛାତ୍ରୀ ନିଜର ଦକ୍ଷତା ବଳରେ ‘ବିକଶିତ ଓଡ଼ିଶା’ ଗଠନରେ ପ୍ରମୁଖ ସୂତ୍ରଧର ହେବେ। ଅନୁଷ୍ଠାନର ଉଜ୍ଜ୍ୱଳ ଭବିଷ୍ୟତ କାମନା କରିବା ସହ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା ଜଣାଉଛି।”
କେନ୍ଦୁଝର ଜିଲ୍ଲା ମୈଦାନକେଲସ୍ଥିତ ପ୍ରଗତି ଉଚ୍ଚ ବିଦ୍ୟାଳୟର ୫୦ ବର୍ଷ ପୂର୍ତ୍ତି ଅବସରରେ ଆଜି ‘ସୁବର୍ଣ୍ଣ ଜୟନ୍ତୀ ଉତ୍ସବ’ ଅତି ସମାରୋହରେ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ମାନ୍ୟବର ମୁଖ୍ୟମନ୍ତ୍ରୀ ମୁଖ୍ୟ ଅତିଥି ଭାବେ ଯୋଗ ଦେଇ ବିଦ୍ୟାଳୟର ଏହି ସଫଳ ଯାତ୍ରାକୁ କେନ୍ଦୁଝର ମାଟିର ଶିକ୍ଷା ଓ ସଂସ୍କୃତିର ପ୍ରତିଫଳନ ଭାବେ ଅଭିହିତ କରିଛନ୍ତି।
ନିଜେ ଜଣେ ପୂର୍ବତନ ଶିକ୍ଷକ ହୋଇଥିବାରୁ, ବିଦ୍ୟାଳୟର ପରିବେଶ ଏବଂ ଛାତ୍ରଛାତ୍ରୀ ଓ ଶିକ୍ଷକମାନଙ୍କ ଗହଣରେ ସମୟ ଅତିବାହିତ କରି ସେ ବେଶ୍ ଭାବପୂର୍ଣ୍ଣ ହୋଇଉଠିଥିଲେ। ବିଦ୍ୟାଳୟର ଉଚ୍ଚକୋଟୀର ଶିକ୍ଷାଦାନ, କଠୋର ଶୃଙ୍ଖଳା ଏବଂ ପ୍ରତିଷ୍ଠିତ ପୁରାତନ ଛାତ୍ରମାନଙ୍କର ସମାଜ ପ୍ରତି ଅବଦାନକୁ ସେ ଉଚ୍ଚ ପ୍ରଶଂସା କରିଥିଲେ। ସୋସିଆଲ ମିଡିଆ ଏକ୍ସରେ ମୁଖ୍ୟମନ୍ତ୍ରୀ ଲେଖିଛନ୍ତି ଯେ-
