ଇମରସିଭ୍ ମିଡିଆ ଓ କ୍ରିଏଟିଭ୍ ଟେକନଲୋଜି ଯୁଗରେ କମିକ୍ସଗୁଡ଼ିକ ଚମତ୍କାର କାହାଣୀ, ସାଂସ୍କୃତିକ ଉତଥାନ ଓ ଉଦ୍ଭାବନର ଶକ୍ତିଶାଳୀ ଉପକରଣ ପାଲଟିଛନ୍ତି, ଯାହାକି ଲୋକକଥା, କଳ୍ପନା ଓ ଭବିଷ୍ୟତର ଟେକନଲୋଜିର ଏକ ଅଦ୍ଭୁତ ମିଶ୍ରଣ ।
ଏହି ପରିବର୍ତ୍ତନ କମିକ୍ସ କ୍ରିଏଟର ଚାମ୍ପିୟନସିପ ମାଧ୍ୟମରେ ଆହୁରି ସମୃଦ୍ଧ ହୋଇଛି, ଯେଉଁଠାରେ ସମଗ୍ର ଭାରତର କ୍ରିଏଟରମାନ ସିକ୍ବେନ୍ସିଆଲ ଆର୍ଟରେ ନୂଆ ନୂଆ ସଫଳତା ପ୍ରାପ୍ତ କରୁଛନ୍ତି। ଏବେ ଏହି ଚାମ୍ପିୟନସିପର ୧୦ ଜଣ ଫାଇନାଲିଷ୍ଟମାନଙ୍କ ନାମ ଘୋଷଣା ହୋଇଛି । ଯେଉଁଥିରେ ଆମେଚର ବର୍ଗରେ ସ୍ଥାନ ପାଇଛନ୍ତି କେନ୍ଦ୍ରାପଡ଼ା ଓଡ଼ିଶାର ରଣଦୀପ ସିଂ ଓ ତାଙ୍କ ଦଳ ।
ସେମାନେ ଆସେସ୍ ଅଫ ଡିଭିନିଟି ନାମକ କମିକ୍ସ ପ୍ରସ୍ତୁତ କରିଛନ୍ତି । ଏକ ଅଭିନବ ଓ ଚମତ୍କାର ବିଷୟକୁ ନେଇ ସେମାନେ ନିଜର କମିକ୍ସ ପ୍ରସ୍ତୁତ କରିଛନ୍ତି । ଏହା ମାଧ୍ୟମରେ ସେମାନେ ଲୋକକଥାର ପୁନଃକଳ୍ପନା କରିଛନ୍ତି । ତାଙ୍କ କାହାଣୀଟି ସଂକ୍ଷେପରେ ଏହିପରି- ଭବିଷ୍ୟତରେ କାଳୀ ପୌରାଣିକ ଯୁଗର ରାକ୍ଷସମାନଙ୍କୁ କଳକୀ ସହ ଲଢ଼ିବା ପାଇଁ ପୁନର୍ଜୀବିତ କରୁଛନ୍ତି । ସେମାନଙ୍କ ମଧ୍ୟରେ ଅଛନ୍ତି ଓଡ଼ିଶାର ଏକଦା ଦୁର୍ଦ୍ଧଷ ଶାସକ କନ୍ଦ୍ରା, ଯିଏ ନିଜର ପୁରୁଣା ଶତ୍ରୁ ବଳରାମଙ୍କ ସହ ମୁହାଁମୁହିଁ ହେବାକୁ ଫେରୁଛନ୍ତି। ଏହି କାହାଣୀରେ ଆଞ୍ଚଳିକ କିମ୍ବଦନ୍ତୀ ସହିତ ଦେବଲୋକର ସଂଘର୍ଷକୁ ଅଦ୍ଭୁତଭାବେ ମିଶ୍ରଣ କରାଯାଇଛି ।
