କ୍ରସ ଭୋଟିଂ ପରେ ବିଜେଡିକୁ ବିଧାୟକ ଦେବୀରଂଜନଙ୍କ ଚ୍ୟାଲେଞ୍ଜ

କ୍ରସ ଭୋଟିଂ ଆକ୍ସନ ପରେ ବିଜେଡିକୁ ବିଧାୟକ ଦେବୀରଂଜନଙ୍କ ଚ୍ୟାଲେଞ୍ଜ । କହିଲେ, ବିଜେଡିର ପ୍ରାଥମିକ ସଦସ୍ୟତା ଛାଡ଼ିବାର ପ୍ରଶ୍ନ ଉଠୁନି । ସେପଟେ ଦେବୀଙ୍କ ଘରେ ଆଗରେ ଯୁବ ଓ ଛାତ୍ର ବିଜେଡିର ହଙ୍ଗାମା । ଦେବୀଙ୍କୁ ଭେଟିଲେ ନବନିର୍ବାଚିତ ରାଜ୍ୟସଭା ସାଂସଦ ଦିଲୀପ ରାୟ । ବିଜେଡିର ଆଭିମୁଖ୍ୟକୁ ନାପସନ୍ଦ ।

ରାଜ୍ୟସଭା କ୍ରସ ଭୋଟିଂ ପରେ ବିଜେଡିର ୬ ବିଧାୟକଙ୍କୁ ଦଳ ପକ୍ଷରୁ କାରଣ ଦର୍ଶାଅ ନୋଟିସ୍ ଜାରି କରାଯାଇଥିବା ବେଳେ ଗଣମାଧ୍ୟମରେ ଏହାର କଡ଼ା ଜବାବ ରଖିଛନ୍ତି ବିଧାୟକ ଦେବୀରଂଜନ ତ୍ରିପାଠୀ । ଦେବୀରଂଜନ କହିଛନ୍ତି, ସେ କୌଣସି ବିଶ୍ବାସଘାତକ କାମ କରିନାହାନ୍ତି, ବରଂ ଯାହା ତାଙ୍କୁ ଠିକ୍ ଲାଗିଲା, ସେ ଅନୁଯାୟୀ ଭୋଟ୍ ଦେଇଛନ୍ତି । ସେ କେବେ ବି ବିଜେଡିର ପ୍ରାଥମିକ ସଦସ୍ୟତା ଛାଡ଼ିବେ ନାହିଁ ବୋଲି ରୋକଠୋକ୍ କହିଛନ୍ତି ।

ଏହା ଭିତରେ ରାଜ୍ୟସଭା ବିଜୟୀ ପ୍ରାର୍ଥୀ ଦିଲୀପ ରାୟ, ଦେବୀରଂଜନଙ୍କ ବାସଭବନରେ ପହଞ୍ଚି ଦେବୀଙ୍କ ସହ ତାଙ୍କ ବାପା ପ୍ରଭାତ ତ୍ରିପାଠୀଙ୍କୁ ସାକ୍ଷାତ କରିଛନ୍ତି । ସେପଟେ ଦେବୀରଂଜନଙ୍କ ଦଳବିରୋଧୀ କାର୍ଯ୍ୟର ପ୍ରତିବାଦ କରି ବିଜେଡିର ଦୁଇ ଛାମୁଆ ଶାଖା ଯୁବ ଓ ଛାତ୍ର ବିଜେଡି ପକ୍ଷରୁ ଦେବୀଙ୍କ ଘର ଆଗରେ ଜୋରଦାର ପ୍ରତିବାଦ କରାଯାଇଛି ।

ADVERTISEMENT