ଜାମ୍ମୁ କାଶ୍ମୀରର ଚାରୋଟି ରାଜ୍ୟସଭା ଆସନ ମଧ୍ୟରୁ ନ୍ୟାସନାଲ କନଫରେନ୍ସ ତିନୋଟି ଆସନ ଜିତିଛି । ବିଜେପି ଗୋଟିଏ ଜିତିଛି। ତେବେ ଆବଶ୍ୟକ ବିଧାୟକ ନଥାଇ ବିଜେପି ପ୍ରାର୍ଥୀ କିପରି ଜିତିଲେ ତାକୁ ନେଇ ଚର୍ଚା ଜୋର ଧରିଛି । ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ବିଜେପି ପ୍ରାର୍ଥୀଙ୍କ ବିଜୟ ଉପରେ ପ୍ରଶ୍ନ ଉଠାଇଛନ୍ତି । ରାଜ୍ୟସଭା ନିର୍ବାଚନରେ କ୍ରସ୍ ଭୋଟିଂ ହୋଇଥିବା ସ୍ପଷ୍ଟ ହୋଇଛି । ବିଜେପିର ସତପାଲ ଶର୍ମା ଚତୁର୍ଥ ଆସନ ଜିତିଥିଲେ। ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା କହିଛନ୍ତି ଯେ ତାଙ୍କର କୌଣସି ବିଧାୟକ କ୍ରସ୍ ଭୋଟିଂ କରି ନାହାଁନ୍ତି । ଏହା ଉଲ୍ଲେଖ କରିବା ଉଚିତ ଯେ ଜମ୍ମୁ କାଶ୍ମୀର ବିଧାନସଭାରେ ବିଜେପିର 28 ଜଣ ବିଧାୟକ ଅଛନ୍ତି। ନାସନାଲ କନଫରେସନ ଦଳର 41 ବିଧାୟକ ଅଛନ୍ତି । ତଥାପି, ବିଜେପି ପ୍ରାର୍ଥୀ ସତପାଲ ଶର୍ମାଙ୍କୁ 32 ଭୋଟ ମିଳିଥିଲା। ରାଜ୍ୟସଭା ନିର୍ବାଚନରେ ମେହବୁବା ମୁଫତି ଓ କଂଗ୍ରେସ, ନ୍ୟାସନାଲ କନଫରେନ୍ସକୁ ସମର୍ଥନ କରିଥିଲେ।
ନ୍ୟାସନାଲ କନଫରେନ୍ସର ଚୌଧୁରୀ ମହମ୍ମଦ ରମଜାନଙ୍କୁ ପ୍ରଥମ ଆସନର ବିଜୟୀ ଘୋଷଣା କରାଯାଇଥିଲା । ସଜ୍ଜାଦ କିଚଲୁଙ୍କୁ ଦ୍ୱିତୀୟ ଆସନର ବିଜୟୀ ଘୋଷଣା କରାଯାଇଥିଲା। ନ୍ୟାସନାଲ କନଫରେନ୍ସର କୋଷାଧ୍ୟକ୍ଷ ଜି.ଏସ୍. ଓବେରୟ, ତୃତୀୟ ଆସନରେ ବିଜୟୀ ହୋଇଥିଲେ। ବିଜେପିର ସତପାଲ ଶର୍ମା ନ୍ୟାସନାଲ କନଫରେନ୍ସର ଇମ୍ରାନ ନବୀ ଡାରଙ୍କୁ ପରାସ୍ତ କରି ଚତୁର୍ଥ ରାଜ୍ୟସଭା ଆସନ ଜିତିଥିଲେ।
ଧାରା ୩୭୦ ଉଚ୍ଛେଦ ପରେ ଏହା ଜମ୍ମୁ କାଶ୍ମୀରରେ ପ୍ରଥମ ରାଜ୍ୟସଭା ନିର୍ବାଚନ ଥିଲା। ଚାରୋଟି ଆସନରେ ଦୁଇଜଣ ମୁସଲିମ, ଜଣେ ହିନ୍ଦୁ ଏବଂ ଜଣେ ଶିଖ ପ୍ରାର୍ଥୀ ବିଜୟୀ ହୋଇଥିଲେ। ନ୍ୟାସନାଲ କନଫରେନ୍ସର ଶମ୍ମି ଓବେରୟ ରାଜ୍ୟସଭାରେ ପହଞ୍ଚିବା ପାଇଁ ଜମ୍ମୁ କାଶ୍ମୀରର ପ୍ରଥମ ଶିଖ ନେତା ହେବେ।
