ଗାଡ଼ି ଚାଳକଙ୍କ ପାଇଁ ଖୁସି ଖବର, ଟ୍ରାଫିକ ଚାଲାଣରେ ବଡ଼ ରିହାତି

ଓଡ଼ିଶାରେ ଗାଡ଼ି ଚାଳକମାନଙ୍କ ପାଇଁ ବଡ଼ ଖୁସିଖବର1 ପୁରୁଣା ଟ୍ରାଫିକ୍ ଜରିମାନା (ଇ-ଚାଲାଣ) ଦେବାରେ ୫୦% ଛାଡ଼ ମିଳିବ। ରାଜ୍ୟ ସରକାର ଏକ ନୂଆ ଯୋଜନା ଆଣିଛନ୍ତି – ଏକକାଳୀନ ସମାଧାନ (One-Time Settlement)। ଆଗାମୀ ଜାତୀୟ ଲୋକ ଅଦାଲତରେ ପୁରୁଣା ଚାଲାଣଗୁଡ଼ିକୁ କମ୍ ଟଙ୍କାରେ ସମାପ୍ତ କରାଯିବ। ଏହାର ଉଦ୍ଦେଶ୍ୟ – ଅନେକ ପୁରୁଣା ମାମଲା ଶୀଘ୍ର ସମାଧାନ କରିବା ଓ କୋର୍ଟରେ ବୋଝ କମାଇବା।ଜାଣନ୍ତୁ କେଉଁ ଚାଲାଣରେ କେତେ ଛାଡ଼ ମିଳିବ…

ସାଧାରଣ ଟ୍ରାଫିକ୍ ନିୟମ ଭାଙ୍ଗିବା (ଯେମିତି ସିଗନାଲ୍ ନମାନିବା, ଭୁଲ୍ ଦିଗରେ ଗାଡ଼ି ଚଳାଇବା) – ମୂଳ ଜରିମାନାର ଅଧା (୫୦%) ଦେଲେ ହେବ।
ହେଲମେଟ୍ ନପିନ୍ଧିବା, ସିଟ୍ ବେଲ୍ଟ ନବାନ୍ଧିବା, ବାଇକରେ ୩ ଜଣ ବସିବା – ଜରିମାନା କେବଳ ୫୦୦ ଟଙ୍କା।
ରେଡ୍ ଲାଇଟ୍ ଡେଇଁବା, ଗାଡ଼ି ଚଳାଇବା ବେଳେ ମୋବାଇଲ୍ ବ୍ୟବହାର, ଭୁଲ୍ ଦିଗରେ ଗାଡ଼ି – ୧୦୦୦ ଟଙ୍କା।
ଦ୍ରୁତ ଗତିରେ ଗାଡ଼ି ଚଳାଇବା (ହାଲୁକା ଗାଡ଼ି) – ୧୦୦୦ ଟଙ୍କା।
ଭାରୀ ଗାଡ଼ି (ଟ୍ରକ୍, ବସ୍ ଆଦି) – ୨୦୦୦ ଟଙ୍କା।

ବଡ଼ ଲାଭ:
ଯେଉଁମାନେ ଏହି ଲୋକ ଅଦାଲତରେ ଟଙ୍କା ଦେବେ, ସେମାନଙ୍କ ବିରୋଧରେ ଆଉ କୌଣସି ପୁଲିସ୍ କାର୍ଯ୍ୟାନୁଷ୍ଠାନ (ଯେମିତି ଲାଇସେନ୍ସ ବନ୍ଦ କରିବା କିମ୍ବା ଅନ୍ୟ କେସ୍) ହେବ ନାହିଁ। ମାମଲା ପୂରା ଶେଷ ହୋଇଯିବ।ଏହି ଯୋଜନା ପୁରୁଣା ଜରିମାନା ଥିବା ଲୋକମାନଙ୍କୁ ବହୁତ ସହାୟତା ଦେବ। ଶୀଘ୍ର ଟଙ୍କା ଦେଇ ଚିନ୍ତା ମୁକ୍ତ ହୁଅନ୍ତୁ1 ଅଧିକ ଜାଣିବାକୁ ଚାହୁଁଥିଲେ ପାଖରେ ଥିବା ଟ୍ରାଫିକ ଥାନା ସହ ଯୋଗାଯୋଗ କରନ୍ତୁ 1