ଯାହା ଆଶା କରାଯାଉଥିଲା ଶେଷରେ ତାହା ହିଁ ହେଲା 1 ପେଟ୍ରୋଲ ଦାମ ଉପରେ ପଡିଲା ଯୁଦ୍ଧର ପ୍ରଭାବ 1 ବଢ଼ିଲା ପେଟ୍ରୋଲ ଦାମ 1 ଗ୍ରାହକଙ୍କ ପକେଟ୍କୁ ପୁଣି ଝଟ୍କା। ପ୍ରିମିୟମ ପେଟ୍ରୋଲ ଦରରେ ୨ ଟଙ୍କା ୯ ପଇସାରୁ ୨ ଟଙ୍କା ୩୫ ପଇସା ପର୍ଯ୍ୟନ୍ତ ବୃଦ୍ଧି ଘଟିଛି। ତେବେ ସାଧାରଣ ପେଟ୍ରୋଲ ଦରରେ କୌଣସି ପରିବର୍ତ୍ତନ କରାଯାଇ ନାହିଁ। ଏହା ପୂର୍ବ ଭଳି ସ୍ଥିର ରହିଛି। କମ୍ପାନୀଗୁଡିକ ପକ୍ଷରୁ ମିଳିଥିବା ସୂଚନା ଅନୁସାରେ IOCL ର XP95, BPCL ର Speed ଏବଂ HPCL ର Power ପେଟ୍ରୋଲ ମହଙ୍ଗା ହୋଇଛି।
ମଧ୍ୟ-ପ୍ରାଚ୍ୟରେ ଲାଗି ରହିଥିବା ଯୁଦ୍ଧ ଏବଂ ଭୂ-ରାଜନୈତିକ ଉତ୍ତେଜନା ଯୋଗୁଁ ବିଶ୍ୱ ବଜାରରେ ଅଶୋଧିତ ତୈଳ ଦର ବୃଦ୍ଧି ପାଇଛି। ବ୍ରେଣ୍ଟ କ୍ରୁଡ୍ ବ୍ୟାରେଲ ପିଛା ୧୦୦ ଡଲାର ଉପରେ ରହିବା ଏବଂ ଆମେରିକୀୟ ଡଲାର ତୁଳନାରେ ଟଙ୍କାର ମୂଲ୍ୟ ହ୍ରାସ ପାଇବା ଫଳରେ ଆମଦାନୀ ଖର୍ଚ୍ଚ ବଢ଼ିଛି। ଏହି କାରଣରୁ ତୈଳ କମ୍ପାନୀଗୁଡ଼ିକ କେବଳ ପ୍ରିମିୟମ ପେଟ୍ରୋଲ ଉପରେ ସୀମିତ ଦର ବୃଦ୍ଧି କରିଛନ୍ତି।
ସରକାରଙ୍କ ପକ୍ଷରୁ ସ୍ପଷ୍ଟ କରାଯାଇଛି ଯେ, ଏହି ଦର ବୃଦ୍ଧି କେବଳ ପ୍ରିମିୟମ ତେଲ ବ୍ୟବହାରକାରୀଙ୍କୁ ପ୍ରଭାବିତ କରିବ। ସାଧାରଣ ଗାଡ଼ି ଚାଳକଙ୍କ ପାଇଁ ବ୍ୟବହୃତ ହେଉଥିବା ରେଗୁଲାର ପେଟ୍ରୋଲ ଓ ଡିଜେଲ ଦର ସ୍ଥିର ରହିଛି। ପେଟ୍ରୋଲିୟମ ମନ୍ତ୍ରଣାଳୟର ଯୁଗ୍ମ ସଚିବ ସୁଜାତା ଶର୍ମା କହିଛନ୍ତି ଯେ, ପେଟ୍ରୋଲ ଓ ଡିଜେଲ ଦର ନିୟନ୍ତ୍ରଣମୁକ୍ତ ଥିବାରୁ ଏହା କମ୍ପାନୀଗୁଡ଼ିକର ଏକ ବ୍ୟବସାୟିକ ନିଷ୍ପତ୍ତି।
ପ୍ରିମିୟମ ପେଟ୍ରୋଲ କ’ଣ:
ପ୍ରିମିୟମ ପେଟ୍ରୋଲ ବିଶେଷ କରି ଉନ୍ନତ ଇଞ୍ଜିନ କାର୍ଯ୍ୟଦକ୍ଷତା ଏବଂ ଭଲ ମାଇଲେଜ୍ ପାଇଁ ବ୍ୟବହୃତ ହୋଇଥାଏ। ତେଣୁ ଏହି ଦର ବୃଦ୍ଧି କେବଳ ପ୍ରିମିୟମ ତେଲ ବ୍ୟବହାରକାରୀଙ୍କୁ ପ୍ରଭାବିତ କରିବ।
