ଆଜିକାଲି ରୋଷେଇ ଘରେ ଚପଲ ପିନ୍ଧିବା ଅନେକଙ୍କର ଅଭ୍ୟାସରେ ପରିଣତ ହୋଇଗଲାଣି । ତେବେ ଆପଣ ବି ରୋଷେଇ ଘରେ ଚପଲ ପିନ୍ଧି ରୋଷେଇ କରୁଛନ୍ତି କି ? ଯଦି ଏପରି କରୁଛନ୍ତି, ଆପଣ ସମସ୍ୟାରେ ପଡି ପାରନ୍ତି। କାରଣ ବାସ୍ତୁଶାସ୍ତ୍ରରେ ଏହାକୁ ସମ୍ପୂର୍ଣ ବାରଣ କରାଯାଇଛି।
ବାସ୍ତୁଶାସ୍ତ୍ରରେ ରୋଷେଇ ଘରକୁ ସବୁଠୁ ଗୁରୁତ୍ବପୂର୍ଣ ସ୍ଥାନ ବୋଲି କୁହାଯାଏ । ଏହାର ସିଧା ସମ୍ବନ୍ଧ ଘର ସଦସ୍ୟଙ୍କ ସ୍ବାସ୍ଥ୍ୟ, ସମୃଦ୍ଧି ଏବଂ ସକାରାତ୍ମକ ଶକ୍ତି ସହିତ ଜଡ଼ିତ। ଆଜିକାଲି ଅନେକ ଲୋକ ଘରେ ଜୋତା, ଚପଲ ବ୍ୟବହାର କରୁଛନ୍ତି। ହେଲେ ଭାରତୀୟ ସଂସ୍କୃତିରେ ରୋଷେଇ ଘରକୁ ଜୋତା ପିନ୍ଧି ଯିବାକୁ ବାରଣ କରାଯାଇଛି । ଏହି ସ୍ଥାନ ଅତ୍ୟନ୍ତ ପବିତ୍ର ଓ ଶୁଦ୍ଧ ରହିବା ଉଚିତ । ଏହାସହ ରୋଷେଇ ଘରକୁ ଚପଲ ପିନ୍ଧି ଯିବା ଦ୍ବାରା ଅଗ୍ନି ଏବଂ ପୃଥିବୀ ତତ୍ତ୍ବର ସନ୍ତୁଳନ ବିଗିଡ଼ି ଯାଏ ।
-ବାସ୍ତୁ ଶାସ୍ତ୍ର ଅନୁସାରେ, ରୋଷେଇ ଘର ହେଉଛି ଅତ୍ୟନ୍ତ ପବିତ୍ର ସ୍ଥାନ I ଏହି ସ୍ଥାନରେ ଅଗ୍ନି ଦେବ ଏବଂ ଅନ୍ନପୂର୍ଣ୍ଣା ଦେବୀଙ୍କ ଶାସନ ଚାଲେ। ଜୋତା ପିନ୍ଧି ରୋଷେଇ ଘରକୁ ଗଲେ ବାହାରର ଅପରିଷ୍କାର, ନକାରାତ୍ମକ ଶକ୍ତି ଭିତରକୁ ଆସେ । ଏହାଦ୍ଵାରା ପବିତ୍ରତା ଏବଂ ଶକ୍ତିରେ ବାଧା ସୃଷ୍ଟି ହୁଏ ।
-ରୋଷେଇ ଘରକୁ ଜୋତା, ପିନ୍ଧି ଯିବା ଅଶୁଭ ଅଟେ। ଏହାଦ୍ବାରା ମା’ ଅନ୍ନପୂର୍ଣ୍ଣାଙ୍କ ଅପମାନ ହୁଏ । ପରିବାରରେ କଳି ଝଗଡ଼ା ଲାଗି ରହେ । ଫଳରେ ଘରର ଶାନ୍ତି ଭଙ୍ଗ ହୁଏ ।
-ରୋଷେଇ ଘରକୁ ଚପଲ ପିନ୍ଧି ଯିବା ଦ୍ବାରା ସ୍ବାସ୍ଥ୍ୟ ସମସ୍ୟା ସୃଷ୍ଟି ହୁଏ । ଏହାସହ ବ୍ୟକ୍ତିଗତ ଓ ବୃଦ୍ଧିଗତ ଜୀବନରେ ସମସ୍ୟା ସାମ୍ନା କରିବାକୁ ପଡ଼େ ।
-ରୋଷେଇ ଘରେ ଚପଲ ବ୍ୟବହାର କଲେ ପରିବାର ସଦସ୍ୟଙ୍କୁ ଆର୍ଥିକ ସମସ୍ୟାକୁ ସାମ୍ନା କରିବାକୁ ପଡେ। ଏହା ସହ ଅନେକ କାର୍ଯ୍ୟ ପୂରା ନହୋଇ ଅଧାରୁ ଅଟକି ଯାଏ ।
ବାସ୍ତୁ ଶାସ୍ତ୍ରରୁ ଏସବୁ ତଥ୍ୟ ସଂଗ୍ରହ କରାଯାଇଛି । ଯଦି ଆପଣଙ୍କ ମନରେ କିଛି ସନ୍ଦେହ ଥାଏ , ଆପଣ ଵାସ୍ତୁବିତଙ୍କ ପରାମର୍ଶ ନେଇପାରନ୍ତି ।
