ମରୁଭୂମିରେ ଭୟଙ୍କର ବନ୍ୟା…ଲୋକେ ଗାଡ଼ି ମୋଟର ଛାଡ଼ି ଦୌଡିଲେ…

ମଧ୍ୟପ୍ରାଚ୍ୟରେ ଯୁଦ୍ଧର ନିଆଁ ଜଳୁଥିବା ବେଳେ ଦୁବାଇରେ ଗତ 23 ତାରିଖରେ ଭୟଙ୍କର ବନ୍ୟା ଦେଖିବାକୁ ମିଳିଛି। ବର୍ଷାର ପ୍ରକୋପ ଏତେ ଭୟଙ୍କର ଥିଲାଯେ, ଚାହୁଁ ଚାହୁଁ ସମୁଦ୍ର ଭଳି ପାଣି ମାଡ଼ି ଆସି ରାସ୍ତାଘାଟ ବୁଡ଼ାଇଦେଲା ।

୨୦୨୬ ମାର୍ଚ୍ଚ ୨୩ ତାରିଖରେ ସଂଯୁକ୍ତ ଆରବ ଏମିରେଟ୍ସ (UAE)ର ଦୁବାଇ ଓ ଆବୁଧାବି ସମେତ ଅନେକ ଅଞ୍ଚଳରେ ପ୍ରବଳ ବର୍ଷା ହୋଇଥିଲା । ଏହି ବର୍ଷା ମରୁଭୂମି ଅଞ୍ଚଳରେ ଅତ୍ୟନ୍ତ ଦୁର୍ଲଭ ଥିଲା ଏବଂ ରାସ୍ତାଘାଟ, ଘର ଓ ଗାଡ଼ିକୁ ପାଣିରେ ଡୁବାଇ ଦେଇଥିଲା ।

ଦୁବାଇର ଅନେକ ପ୍ରମୁଖ ରାସ୍ତା ପାଣିରେ ଭର୍ତ୍ତି ହୋଇ ଯାତାୟାତ ପ୍ରଭାବିତ ହୋଇଥିଲା ।ବର୍ଷା ହେତୁ ଦୁବାଇ ଆନ୍ତର୍ଜାତୀୟ ବିମାନବନ୍ଦରରେ ମଧ୍ୟ କିଛି ବିଳମ୍ବ ଘଟିଥିଲା ଏବଂ ଅନେକ ଗାଡ଼ି ରାସ୍ତାରେ ଅଟକି ରହିଥିଲା । କେତେକ ସ୍ଥାନରେ ପାଣି ଏତେ ଅଧିକ ଥିଲା ଯେ ଲୋକେ ଗାଡ଼ି ଛାଡ଼ି ପାଣି ଭିତରେ ଚାଲି ଚାଲି ଯାଇଥିଲେ ।

ଆବୁଧାବି ଓ ରାସ୍ ଆଲ୍ ଖୈମା ଅଞ୍ଚଳରେ ମଧ୍ୟ ଆକସ୍ମିକ ବନ୍ୟା ଦେଖାଯାଇଥିଲା ।ଏହି ଘଟଣା ମରୁଭୂମି ଅଞ୍ଚଳରେ ଜଳବାୟୁ ପରିବର୍ତ୍ତନ ହେତୁ ଘଟୁଛି। ଦୁବାଇରେ ସାଧାରଣତଃ ବର୍ଷକୁ ମାତ୍ର କିଛି ସେଣ୍ଟିମିଟର ବର୍ଷା ହୁଏ, କିନ୍ତୁ ଗତକାଲି କେତେକ ସ୍ଥାନରେ ଏକ ବର୍ଷର ବର୍ଷା ପରିମାଣ କିଛି ଘଣ୍ଟା ମଧ୍ୟରେ ହୋଇଯାଇଥିଲା ।

କର୍ତ୍ତୃପକ୍ଷ ଲୋକଙ୍କୁ ସତର୍କ କରାଇ ରାସ୍ତାରେ ଯାତ୍ରା ନ କରିବାକୁ ପରାମର୍ଶ ଦେଇଥିଲେ । ଏହି ବନ୍ୟା ହେତୁ କୌଣସି ବଡ଼ ଦୁର୍ଘଟଣା ବିଷୟରେ ଏପର୍ଯ୍ୟନ୍ତ କୌଣସି ଖବର ନାହିଁ, କିନ୍ତୁ ଯାତାୟାତ ଓ ଦୈନନ୍ଦିନ ଜୀବନ ବହୁତ ପ୍ରଭାବିତ ହୋଇଥିଲା ।