ହରିୟାନାରେ ଭୋଟ ରାଜନୀତି : ଯନ୍ତ୍ରଣା ଭୁଲି ଏବେ ପ୍ରଚାର କରୁଛି

ହରିୟାଣା ବିଧାନସଭା ନିର୍ବାଚନ ପାଇଁ ପ୍ରଚାର ଏବେ ସରଗରମ ରହିଛି ।  କଂଗ୍ରେସ ନେତା ଭିନେଶ ଫୋଗାଟ ଏବେ ଜିତିବା ପାଇଁ ରାଜନୀତି ମଇଦାନରେ ଝାଳ ବୁହାଉଛନ୍ତି । ସେ ଘନ ଘନ ପ୍ରଚାର ଅଭିଯାନ ଆରମ୍ଭ କରିଛନ୍ତି। ଭିନେଶ ହେଉଛନ୍ତି କୁସ୍ତିଯୋଦ୍ଧା ।  ପ୍ୟାରିସ୍ ଅଲିମ୍ପିକ୍ସରୁ ଖାଲି ହାତରେ ଫେରିଥିଲେ କିନ୍ତୁ ଏଠାରେ ସେ ଜିତିବେ ବୋଲି ଜୋର ଦେଇଛନ୍ତି । ଭିନେଶ ଶୁକ୍ରବାର କଂଗ୍ରେସରେ ଯୋଗ ଦେଇଥିଲେ ।  ଜୁଲାନା ଆସନରୁ ସେ ଜିତିବେ ବୋଲି ଶତ ପ୍ରତିଶତ କହୁଛନ୍ତି ।  ଭିନେଶ ଭୋଟ ପାଇବା ପାଇଁ ଜନସାଧାରଣଙ୍କ ଉଦ୍ଦେଶ୍ୟରେ କହିଛନ୍ତି ମୁଁ ଆପଣଙ୍କଠାରୁ ପାଇଥିବା ପ୍ରେମ ଏବଂ ସମ୍ମାନ ଯୋଗୁ ମୋ ଯନ୍ତ୍ରଣାକୁ ଭୁଲି ଯାଇଛି। ତେଣୁ ମୋତେ ଭୋଟ ଦିଅନ୍ତୁ ମୁଁ ଆପଣମାନଙ୍କ ଦୁଃଖ ଦୂର କରିବି । ମୁଁ ସେବା କଲେ ଆପଣମାନଙ୍କ ପ୍ରତି ମୋର ଉପଯୁକ୍ତ କୃତଜ୍ଞତା ହେବ। ବିଜେପିର କ୍ୟାପ୍ଟେନ ଯୋଗେଶ ବୈରାଗୀଙ୍କ ସହ ତାଙ୍କର ଲଢ଼େଇ ହେବ । ଏଠାରେ ବିଜେପିର ପଲା ଭାରି ଥିବା ଚର୍ଚା ହେଉଛି ।