ଅନଲାଇନରେ ଟଙ୍କା ରୋଜଗାର ନିଶା ଛାଡିଗଲା, ଠକାମି ପରେ ଥାନାର ଦ୍ବାରସ୍ଥ ହେଲେ ଲୋକେ

ହ୍ୟିଉଜ୍ ଆପ୍ କାଟିଦେଲା ଲୋଭାଶକ୍ତ ଙ୍କ ଫ୍ୟୁଜ୍, ରାତାରାତି ଲକ୍ଷପତି ହେବା ଆଶାରେ Online app ରେ ଟଙ୍କା ବିନିଯୋଗ କରିବା ନିଶା ଉତ୍ତୁରି ଗଲା ଶେଷରେ ଥାନା ଆଗରେ ଅଭିଯୋଗ ପତ୍ର ଧରି ଛିଡା ହୋଇଛନ୍ତି ଶହ ଶହ ଲୋକେ । ଏମିତି କିଛି ଦୃଶ୍ୟ ଦେଖିବାକୁ ମିଳିଛି କଟକ ଜିଲ୍ଲାର ନିଶ୍ଚିନ୍ତକୋଇଲି ଅଞ୍ଚଳରେ । ସୂଚନା ଅନୁଯାୟୀ ନିଶ୍ଚିନ୍ତକୋଇଲି ବଜାର ରେ ପାତ୍ର ମଲ୍ଟି ମିଡିଆ ନାଁ ରେ ଏକ ଡିଜିଟାଲ ଷ୍ଟୁଡ଼ିଆ ଖୋଲା ହୋଇଛି, ଯେଉଁ ଷ୍ଟୁଡିଓ ଏବେ ଚର୍ଚ୍ଚାକୁ ଆସିଛି । ଷ୍ଟୁଡିଓର ମାଲିକ ଅକ୍ଷୟ ପାତ୍ର କିଛି ମାସ ହେବ ହ୍ୟୁଜ ଇଣ୍ଡିଆ ଲିମିଟେଡ ଆପ୍ Huge india limited app ର ଫ୍ରାନଚାଇଜ୍ ଆଣି ସେଇ app ରେ ୧୬,୫୦୦ ଟଙ୍କା ଇନଭେଷ୍ଟ କରି ଖେଳୁଥିଲେ ଅନଲାଇନ୍ ଗେମ୍ , ଏବଂ ରୋଜଗାର କରୁଥିଲେ ଲକ୍ଷ ଲକ୍ଷ ଟଙ୍କା , ସାଧାରଣ ଲୋକଙ୍କୁ ରୋଜଗାର କରିବା କହି ସେମାନଙ୍କ ଟଙ୍କା ବିନିଯୋଗ କରି କମ୍ପାନୀ ରୁ ପାଉଥିଲି ଲକ୍ଷ ଲକ୍ଷ କମିଶନ ।ଶେଷରେ ସାଧାରଣ ଲୋକଙ୍କୁ ଚୂନ ଲଗାଇ ୱେବ୍ ସାଇଟ୍ ରୁ ଚମ୍ପଟ୍ ମାରିଲା ହ୍ୟିଉଜ୍ ଆପ୍ । କେବଳ ସେତିକି ନୁହେଁ ନିଶ୍ଚିନ୍ତକୋଇଲି,କେନ୍ଦ୍ରାପଡ଼ା, ଜଗତସିଂପୁର, ବାଲିଚନ୍ଦ୍ରପୁର, କେନ୍ଦ୍ରାପଡ଼ା ସମେତ କଟକ ଜିଲ୍ଲାରୁ ସାଧାରଣ ଲୋକଙ୍କ ଠାରୁ ହ୍ୟିଉଜ୍ ଆପ୍ ଠକି ନେଲା କୋଟି କୋଟି ଟଙ୍କା, ସୂଚନା ଅନୁଯାୟୀ ନିଶ୍ଚିନ୍ତକୋଇଲି ଅଞ୍ଚଳରେ ପାତ୍ର ମଲ୍ଟିମିଡ଼ିଆ ରୁ ଆରମ୍ଭ ହୋଇଥିଲା ଅନଲାଇନ ଆପ ହ୍ୟୁଜ୍ , ହ୍ବାଟସ୍ ଆପ୍ ରେ ହ୍ୟୁଜ୍ ବସ୍ ଚଲେଇଥିଲା ମିଛ ଲିଙ୍କ ଏବଂ ରାତାରାତି ବଡ଼ ଲୋକ ହେବାର ଲୋଭ ଦେଖାଇ ଲୁଟିଥିଲା କୋଟି କୋଟି ଟଙ୍କା । ଏବେ ନିଶ୍ଚିନ୍ତକୋଇଲି ଅଞ୍ଚଳରେ ଏଇ scam ର ଶୀକାର ହୋଇଥିବା ସାଧାରଣ ଲୋକେ ଏବେ ଥାନାରେ ଦ୍ବାରସ୍ଥ ହୋଇଛନ୍ତି , ଟଙ୍କା କେମିତି ମିଳିବ ସେଥିପାଇଁ ଚିନ୍ତାରେ ଲୋକେ । ସାମାଜିକ ଗଣମାଧ୍ୟମରେ ବାରମ୍ୱାର ସତର୍କ କରାଯିବା ସତ୍ତ୍ୱେ କାହିଁକି ଏଭଳି ଫ୍ରଡ୍ ଆପ୍ ରେ ଇନକମ ଆଶାରେ ସ୍କାମ ର ଶୀକାର ହେଉଛନ୍ତି ଲୋକେ । ଦେଖିବାକୁ ବାକି ରହିଲା କେବେ ଏଭଳି ଠକ ସଂସ୍ଥାରୁ ନିବୃତ ହେଉଛନ୍ତି ଲୋକେ ।