ଗତ କିଛି ଦିନ ଧରି ବିଜେଡିରେ ତୁତୁ ମେ ମେ ଚାଲିଛି । ବରିଷ୍ଠ ନେତା ଆଉ ଯୁବ ନେତା ଙ୍କ ମଧ୍ୟରେ ରାଜ୍ୟ ସଭାରେ ଭୋଟକୁ ନେଇ ଟଣା ଓଟରା ପରେ ନବୀନ ସବୁ ନେତାଙ୍କୁ ତାଗିଦ କରିବା ସହ ପ୍ରଭାତ ଦଳରେ ନଥିବା କହିଥିଲେ । ଏବେ ପୁଣି ପ୍ରଭାତ କହିଛନ୍ତି ମିଛ କହିଛନ୍ତି ନବୀନ ପଟ୍ଟନାୟକ। ସେ ସିଧା କହିଛନ୍ତି ମୁଁ ବିଜେଡିରେ ନାହିଁ ନବୀନ ପଟ୍ଟନାୟକ କହିବା ମହା ମିଛ। ଦଳ ସଭାପତି ଏଭଳି କହିବା ଭୁଲ୍। ଆଜି ସାମ୍ବାଦିକ ସମ୍ମିଳନୀରେ ଏଭଳି କହି ବିଜେଡି ସଭାପତି ନବୀନ ପଟ୍ଟନାୟକଙ୍କୁ କଡ଼ା ଜବାବ ଦେଇଛନ୍ତି ବରିଷ୍ଠ ବିଜେଡି ନେତା ତଥା ପୂର୍ବତନ ବିଧାୟକ ପ୍ରଭାତ ତ୍ରିପାଠୀ। ପ୍ରଭାତ ତ୍ରିପାଠୀ ଆହୁରି କହିଛନ୍ତି, ବିଜେଡିରେ ମୁଁ ନାହିଁ। ଦଳରେ ମୁଁ ନାହିଁ ବୋଲି ନବୀନଙ୍କୁ ଫିଡ୍ ବ୍ୟାକ ଦିଆଯାଇଛି।
ପ୍ରଭାତ କହିଛନ୍ତି ଯେ ୨୦୧୭ରେ ନିଲମ୍ବନ ପ୍ରତ୍ୟାହାର ହୋଇଥିଲା। ଆଉ କେଶ୍ କୁ ନେଇ ସେ କହିଥିଲେ ମାମଲା ଏବେ ବିଚାରାଧୀନ ରହିଛି ମାମଲାର ରାୟ ପ୍ରକାଶ ପାଇନି। ତେଣୁ ବିଜେଡି ସଭାପତି ଏଭଳି ପ୍ରଶ୍ନ ଉଠାଇବାର ମାନେ କିଛି ନାହିଁ। ୨୦୧୯ ନିର୍ବାଚନ ସଭାରେ ନବୀନଙ୍କ ଉପସ୍ଥିତରେ ଭାଷଣ ଦେଇଛି। ୨୦୨୦ ପରେ ଅନେକ କ୍ଷେତ୍ରରେ ଦଳ ପାଇଁ କାମ କରିଛି। ଦଳ ମୋତେ ନିୟୋଜିତ କରିଛି। ୨୦୨୪ ନିର୍ବାଚନରେ ବିଭିନ୍ନ ନିର୍ବାଚନମଣ୍ଡଳୀ ପାଇଁ କାମ କରିଛି। ୨୪ ନିର୍ବାଚନ ସଭାରେ ଦ୍ବିତୀୟ କ୍ଷମତା କେନ୍ଦ୍ର ମୋତେ ପ୍ରଶଂସା କରିଛନ୍ତି । ଏବେ ଏଭଳି କହିବାର ମାନେ କିଛି ନଥିବା ସେ କହିଛନ୍ତି । ସେ କୋର୍ଟକୁ ଯିବେ ନାହିଁ, ସମୟକୁ ଅପେକ୍ଷା କରିବେ ବୋଲି କହିଛନ୍ତି ପ୍ରଭାତ ତ୍ରିପାଠୀ ।
