ଆମେରିକାର ଜଣେ ଉଦ୍ୟୋଗୀଙ୍କ ବୟାନକୁ ନେଇ ସୋସିଆଲ ଭିଡିଆରେ ବିତର୍କ ଆରମ୍ଭ ହୋଇଛି । ଆମେରିକାର ଜଣେ ଉଦ୍ୟୋଗୀ ପ୍ରକାଶ କରିଛନ୍ତି ଯେ, ସେ ଜଣେ କର୍ମଚାରୀଙ୍କୁ ବାରମ୍ବାର ଚେତାବନୀ ଦେବା ପରେ ମଧ୍ୟ ସେ ଲଗାତାର ହୁଡି ପିନ୍ଧୁଥିଲେ । ସେଥିାଇଁ ସେ କର୍ମଚାରୀଙ୍କୁ କାମରୁ ବାହାର କରିଦେଇଥିଲେ। ସେ ଏହି ଘଟଣାକୁ ନେଇ ଏକ ଭାଇରାଲ୍ ଇନଷ୍ଟାଗ୍ରାମ୍ ପୋଷ୍ଟରେ ଆଲୋଚନା କରିଥିଲେ, ଯାହାକି ଅଫିସରେ ତାଙ୍କର ସଂସ୍କୃତି ଏବଂ ଡ୍ରେସ୍ କୋଡ୍ ନୀତି ଉପରେ ଏକ ବଡ଼ ବିତର୍କ ସୃଷ୍ଟି କରିଛି।
ୱିସକନସିନ୍ ଭିତ୍ତିକ ଉଦ୍ୟୋଗୀ ଷ୍ଟେସି ଟସ୍ଚଲ୍ କ୍ୟାପ୍ସନରେ ଲେଖିଛନ୍ତି ଯେ ପ୍ରାୟ ଦଶ ବର୍ଷ ପୂର୍ବେ ଘଟିଥିବା ଏହି ଘଟଣା ତାଙ୍କୁ ବହୁତ କିଛି ଶିଖାଇଛି ଏବଂ ସେ ସମାନ ନିଷ୍ପତ୍ତି “ବାରମ୍ବାର” ନେଇଥାନ୍ତେ।
ଅଫିସରେ ଡ୍ରେସ କୋଡ୍ ମାନୁନଥିବା କର୍ମଚାରୀଙ୍କ ଚାକିରି ହରାଇବାକୁ ନେଇ ଅନେକ ୟୁଜର ଅନେକ କଥା ଲେଖିଛନ୍ତି । ଆମେରିକାର ଜଣେ ମାଲିକ ତାଙ୍କ କର୍ମଚାରୀଙ୍କୁ ଚାକିରିରୁ ବାହାର କରିବାର କାରଣ ନେଇ ଇନଷ୍ଟାଗ୍ରାମ୍ ପୋଷ୍ଟରେ ଆଲୋଚନା କରିଛନ୍ତି, ଯାହାକି ତାଙ୍କ କମ୍ପାନିର ସଂସ୍କୃତି ଏବଂ ଡ୍ରେସ୍ କୋଡ୍ ନୀତି ଉପରେ ଏକ ବଡ଼ ବିତର୍କ ସୃଷ୍ଟି କରିଛି। ୱିସକନସିନ୍-ଭିତ୍ତିକ ଉଦ୍ୟୋଗୀ ଷ୍ଟେସି ଟସ୍ଚଲ୍ କ୍ୟାପ୍ସନରେ ଲେଖିଛନ୍ତି ଯେ ଡ୍ରେସ କୋଡ୍ ପାଇଁ ଜଣେ କର୍ମଚାରୀଙ୍କ ଚାକିରି ଗଲା । ଟସ୍ଚଲ୍ ଭିଡିଓରେ ବୁଝାଇଛନ୍ତି ଯେ କର୍ମଚାରୀଙ୍କୁ ଚାକିରି ପୂର୍ବରୁ ଡ୍ରେସ୍ କୋଡ୍ ନିୟମ ବିଷୟରେ ଜଣାଇ ଦିଆଯାଇଥିଲା। ଏଥିରେ ଜୁମ୍ କଲ୍ ସମୟରେ ହୁଡି ନ ପିନ୍ଧିବା ମଧ୍ୟ ସାମିଲ୍ ଥିଲା। ତେବେ, କର୍ମଚାରୀ ଜଣକ ବାରମ୍ବାର ଏହି ନିୟମକୁ ଅବମାନନା କରି ଚାଲିଲେ, ଯେଉଁଥିପାଇଁ ତାଙ୍କ ମ୍ୟାନେଜରଙ୍କ ସହ ଆଲୋଚନା କରିବାକୁ ପଡିଲା। ଶେଷରେ କର୍ମଚାରୀଙ୍କୁ କାମରୁ ବାହାର କରାଗଲା।
ଏହି ପୋଷ୍ଟଟି ବେଶ୍ ଭାଇରାଲ ହେଉଛି । ଏହାକୁ ନେଇ ହଜାର ହଜାର ୟୁଜର ମତାମତ ଦେଉଛନ୍ତି । କେତେକ ଟସ୍ଚଲଙ୍କ ନିଷ୍ପତ୍ତିକୁ ସମର୍ଥନ କରୁଥିବା ବେଳେ ଅନ୍ୟମାନେ ଏହି ଦଣ୍ଡକୁ ଅତ୍ୟଧିକ କଠୋର ବୋଲି ଯୁକ୍ତି ବାଢ଼ିଛନ୍ତି।
ଜଣେ ଲେଖିଛନ୍ତି, “ପ୍ରଥମେ ମୁଁ ଭାବିଲି, ହୁଡି ପାଇଁ ଏତେ ବଡ଼ ଦଣ୍ଡ! କିନ୍ତୁ ନିୟମ ସ୍ପଷ୍ଟ ଭାବରେ ବର୍ଣ୍ଣନା କରାଯାଇଥିଲା। ତେଣୁ ଏହା କେବଳ ଜାଣିଶୁଣି ଅବହେଳା।” ଅନ୍ୟ ଜଣେ ଲେଖିଛନ୍ତି, “ମୁଁ ଏହାକୁ ପସନ୍ଦ କରେ କାରଣ ମୋର ଜଣେ ସହକର୍ମୀ ଥିଲେ ଯିଏ ପ୍ରତିଦିନ ୨ ରୁ ୩ ଘଣ୍ଟା ବିଳମ୍ବରେ ଆସୁଥିଲେ। ଆମ ସମସ୍ତଙ୍କୁ ତାଙ୍କ କାମ କରିବାକୁ ପଡୁଥିଲା।” ଆଉ ଜଣେ ଲେଖିଛନ୍ତି “ଆପଣ କାହିଁକି ଏତେ ଖୁସି ଏବଂ ଗର୍ବିତ ଯେ ଆପଣ ଲୋକଙ୍କୁ ଏତେ ଶୀଘ୍ର ଚାକିରିରୁ ବାହାର କରି ଦେଉଛନ୍ତି।” ଅନ୍ୟ ଜଣେ ସମାନ ଘଟଣା ବିଷୟରେ ଆଲୋଚନା କରି କହିଛନ୍ତି , କିଛି କର୍ମଚାରୀ ଅଛନ୍ତି ଯେଉଁମାନେ କାମ କଲା ବେଳେ କିଛି ନୀତି ନିୟମକୁ ମାନିବାକୁ ଚାହିଁନଥାନ୍ତି
