ସଲମାନ୍ ଖାନ୍ ଙ୍କୁ ପାକିସ୍ତାନ ଆତଙ୍କବାଦୀଙ୍କ ଲିଷ୍ଟରେ ରଖିଛି । ଯାହାକୁ ନେଇ ଚର୍ଚ୍ଚା ଜୋର ଧରିଛି । ଘଟଣା ଅନୁସାରେ ସାଉଦି ଆରବରେ ହୋଇଥିବା ‘ଜୟ୍ ଫୋରମ୍ ୨୦୨୫’ ରେ ବଲିଉଡ୍ ଚଳଚ୍ଚିତ୍ରର ବିଶ୍ୱବ୍ୟାପୀ ପ୍ରଭାବ ନେଇ କାର୍ଯ୍ୟକ୍ରମ ଅନୁଷ୍ଠିତ ହେଉଥିଲା । ସଲମାନ ଖାନ ସେଠାରେ କହିଥିଲେ: “ଏବେ ଯଦି ଆପଣ ଏକ ହିନ୍ଦୀ ଚଳଚ୍ଚିତ୍ର ତିଆରି କରି ସାଉଦି ଆରବରେ ରିଲିଜ କରିବେ ତାହା ସୁପରହିଟ୍ ହୋଇଯିବ। ଏପରିକି ତାମିଲ, ତେଲୁଗୁ କିମ୍ବା ମାଲୟାଳମ୍ ଚଳଚ୍ଚିତ୍ର କୋଟି କୋଟି ଟଙ୍କାରେ ବ୍ୟବସାୟ କରିବ । କାରଣ ଏଠାରେ ଅନେକ ଦେଶରୁ ଲୋକମାନେ ଆସି ରହିଛନ୍ତି। ଯେଉଁମାନେ ଫିଲ୍ମ ଦେଖିବାକୁ ଭଲପାଆନ୍ତି । ବେଲୁଚିସ୍ତାନର ଲୋକମାନେ, ଆଫଗାନିଷ୍ଟାନର ଲୋକମାନେ, ପାକିସ୍ତାନର ଲୋକମାନେ ସମସ୍ତେ ଏଠାରେ ଆସି କାମ କରୁଛନ୍ତି।” ସଲମାନଙ୍କ ଅଲଗା ବାଲୁଚିସ୍ତାନ କହିବାକୁ ନେଇ ପାକିସ୍ତାନ ଖପା ହୋଇଛି । ବେଲୁଚିସ୍ତାନ ଏବଂ ପାକିସ୍ତାନ ନାମ ଅଲଗା ଭାବରେ ଉଲ୍ଲେଖ କରିଥିବାରୁ ଏହା ବିବାଦୀୟ ହୋଇଛି । ପାକିସ୍ତାନୀ ଅଧିକାରୀମାନେ ଏହାକୁ ଦେଶର ଅଖଣ୍ଡତା ଉପରେ ଆକ୍ରମଣ ଭାବେ ଗ୍ରହଣ କରିଛନ୍ତି । ଏପରିକି ଏହାକୁ ନେଇ ବେଲୁଚ ଲୋକମାନେ ଖୁସି ପ୍ରକାଶ କରିଛନ୍ତି । ସଲମାନଙ୍କ କଥାକୁ ନେଇ ଭିଡିଓ ଭାଇରାଲ ହେଉଛି । ଏହାକୁ ବେଲୁଚିସ୍ତାନ ଲୋକମାନେ ସ୍ୱାଧୀନତାର ସ୍ୱୀକୃତି ଭାବେ ପ୍ରଶଂସା କରୁଛନ୍ତି। କିନ୍ତୁ ପାକିସ୍ତାନର ସରକାର ଏହାକୁ ନେଇ ଦେଶବିରୋଧୀ ବା ସଲମାନଙ୍କୁ ‘ଆତଙ୍କବାଦୀ’ ଲିଷ୍ଟରେ ତାଙ୍କ । ଉକ୍ତ କାର୍ଯ୍ୟକ୍ରମରେ ସଲମାନ୍ ଖାନଙ୍କ ସହ ଶାହରୁଖ୍ ଖାନ୍ ଓ ଆମିର୍ ଖାନ୍ ମଧ୍ୟ ଉପସ୍ଥିତ ଥିଲେ । ସଲମାନଙ୍କ ଏହି ବକ୍ତବ୍ୟକୁ ନେଇ ଏବେ ପାକିସ୍ତାନ ଆଉ ବେଲୁଚିସ୍ତାନରେ ଚର୍ଚା ଜୋର ଧରିଛି ।
ବଲିଉଡ୍ ଅଭିନେତା ସଲମାନ ଖାନଙ୍କ ନାଁକୁ ୧୯୯୭ ମସିହାର ଆତଙ୍କବାଦ ବିରୋଧୀ ଆଇନ (ATA 1997)ର ଚତୁର୍ଥ ସୂଚୀରେ ପାକିସ୍ତାନ ଯୋଡିଛି। ଏହାର କାରଣ ହେଉଛି ସଲମନଙ୍କ ଏହି ବୟାନ । ଯାହାକୁ ନେଇ ପାକିସ୍ତାନ ସଲମାନଙ୍କୁ ୧୯୯୭ ମସିହାର ଆତଙ୍କବାଦ ବିରୋଧୀ ଆଇନ (ATA)ର ଚତୁର୍ଥ ସୂଚୀରେ ଯୋଡିଛି। ଏହି ଲିଷ୍ଟରେ ପାକିସ୍ତାନ ଅନେକ ଆତଙ୍କବାଦୀଙ୍କ ନାମ ରଖିଛି । ଏପରିକି ସରକାର ଏହି ତାଲିକାରେ ଆତଙ୍କବାଦୀ ହାଫିଜ୍ ସଇଦଙ୍କୁ ମଧ୍ୟ ସାମିଲ କରିଛି। ଯାହାର ମାନେ ହେଉଛି ଏହି ତାଲିକାରେ ଥିବା ବ୍ୟକ୍ତି ପାକିସ୍ତାନ ପାଇଁ ସନ୍ଦିଗ୍ଧ ବ୍ୟକ୍ତି । ଯାହାଙ୍କୁ ଆତଙ୍କବାଦୀ କୁହାଯାଉଛି ।
