କେଉଁ ରାଜ୍ୟର ବଦଳିବେ ମୁଖ୍ୟମନ୍ତ୍ରୀ ? ଦୁଇଟି ରାଜ୍ୟର ମୁଖ୍ୟମନ୍ତ୍ରୀ ବଦଳିବା ନେଇ ଜାତୀୟ ଗଣମାଧ୍ୟମରେ ଚର୍ଚା । ଓଡ଼ିଶାର ନାମକୁ ନେଇ ଚର୍ଚା । ୟୁପିର ନାମକୁ ନେଇ ଚର୍ଚା । ହରିୟାନାର ନାମକୁ ନେଇ ଚର୍ଚା ।
ବିଜେପିର ୧୪ଟି ରାଜ୍ୟରେ ଏକାକି ସରକାର ଚାଲିଛି । ଅନ୍ୟ ଦଳ ସହ ମିଶି ମୋଟ ୧୯ଟି ରାଜ୍ୟରେ ବିଜେପିର ପ୍ରଭାବ ରହିଛି। କିନ୍ତୁ କିଛି ରାଜ୍ୟରେ ମୁଖ୍ୟମନ୍ତ୍ରୀ ବଦଳାଇବା ନେଇ ଜାତୀୟ ଗଣମାଧ୍ୟମର ସୋସିଆଲ ମିଡିଆରେ ଚର୍ଚ୍ଚା ଚାଲିଛି । ଦୁଇ ଜଣ ମୁଖ୍ୟମନ୍ତ୍ରୀ ବଦଳିବା ନେଇ ଆଲୋଚନା ହେଉଛି । ତେବେ କିଏ ସେ ଦୁଇଜଣ ମୁଖ୍ୟମନ୍ତ୍ରୀ ତାଙ୍କ ନାମ କୁହାଯାଇନାହିଁ । ଏହାର ମୁଖ୍ୟ କାରଣ ପାର୍ଟି ଭିତରେ ଅସନ୍ତୋଷ, ଆଗାମୀ ନିର୍ବାଚନ ପାଇଁ ରଣନୀତି ଓ ଜନସାଧାରଣଙ୍କ ଅଭିଯୋଗ ରହିଛି । କେତେକ ମୁଖ୍ୟମନ୍ତ୍ରୀଙ୍କ ବିରୋଧରେ ଖରାପ ପରିଚାଳନା, ଦୁର୍ନୀତି ଓ ବିକାଶର ଅଭାବ ନେଇ ଅଭିଯୋଗ ଉଠୁଛି।
ଉତ୍ତର ପ୍ରଦେଶ: ଯୋଗୀ ଆଦିତ୍ୟନାଥ =8 ବର୍ଷ 5 ମାସ
– ମହାରାଷ୍ଟ୍ର: ଦେବେନ୍ଦ୍ର ଫଡନବିସ (ଗଠବନ୍ଧନ) -8 ମାସ / ସିନ୍ଦେ ଗୋଷ୍ଠୀ ଚାହୁଁଛନ୍ତି ବଦଳିବା ପାଇଁ
– ମଧ୍ୟପ୍ରଦେଶ: ମୋହନ ଯାଦବ -1 ବର୍ଷ 8 ମାସ
– ଗୁଜରାଟ: ଭୂପେନ୍ଦ୍ର ପଟେଲ-3 ବର୍ଷ 11 ମାସ
– ରାଜସ୍ଥାନ: ଭଜନଲାଲ ଶାର୍ମା – 1 ବର୍ଷ 8 ମାସ
– ଓଡିଶା: ମୋହନ ମାଝୀ- 1 ବର୍ଷ 2 ମାସ/ ଗୋଷ୍ଠୀ କନ୍ଦଳ ଦଳ ଭିତରେ ଅଛି
– ଆସାମ: ହିମନ୍ତ ବିଶ୍ୱ ସର୍ମା- 4 ବର୍ଷ ହେଲା ମୁଖ୍ୟମନ୍ତ୍ରୀ ଦାୟିତ୍ବରେ ଅଛନ୍ତି
– ଛତ୍ତୀଶଗଢ଼: ବିଷ୍ଣୁ ଦେଓ ସାଇ- 1 ବର୍ଷ 8 ମାସ ହେଲା ମୁଖ୍ୟମନ୍ତ୍ରୀ ଅଛନ୍ତି
– ହରିୟାଣା: ନାୟବ ସିଂହ ସାଇନୀ- 10ମାସ/ ଖଟ୍ଟର ଗ୍ରୁପ୍
– ଉତ୍ତରାଖଣ୍ଡ: ପୁଷ୍କର ସିଂହ ଧାମୀ- 4 ବର୍ଷ 2 ମାସ
– ଗୋଆ ପ୍ରମୋଦ ସାୱନ୍ତ- 3 ବର୍ଷ 5 ମାସ
– ତ୍ରିପୁରା: ମାଣିକ ସାହା – 3 ବର୍ଷ 3ମାସ
– ଆରୁଣାଚଳ ପ୍ରଦେଶ: ପେମା ଖାଣ୍ଡୁ- 8 ବର୍ଷରୁ ଅଧିକ ସମୟ ମୁଖ୍ୟମନ୍ତ୍ରୀ ଅଛନ୍ତି
– ଦିଲ୍ଲୀ: ରେଖା ଗୁପ୍ତା – 6 ମାସ
ଉତ୍ତରପ୍ରଦେଶ ରେ ଯୋଗୀ ଆଦିତ୍ୟନାଥଙ୍କ ନେତୃତ୍ୱରେ ସରକାର ଚାଲିଛି । ୨୦୨୭ ରେ ୟୁପିରେ ନିର୍ବାଚନ ହେବ । ବିଜେପି ସେଠାରେ ନୂଆ ମୁହଁ ଆଣିପାରେ ବୋଲି ଚର୍ଚ୍ଚା ହେଉଛି । ସଂଖ୍ୟାଲଘୁଙ୍କ ଅସନ୍ତୋଷ, ଆରଏସଏସର ଅସନ୍ତୋଷ, ନିଜ ଦଳର ବରିଷ୍ଠ ନେତାଙ୍କ ଅସନ୍ତୋଷ ରହିଛି
ହରିୟାଣାରେ ନାୟବ ସିଂହ ସାଇନୀଙ୍କ ବିରୋଧରେ ଅଭିଯୋଗ ରହିଛି । ପୂର୍ବତନ ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟରଙ୍କ ଗୋଷ୍ଠୀ ସାଇନଙ୍କ କାର୍ଯ୍ୟରେ ସନ୍ତୁଷ୍ଟ ନାହାଁନ୍ତି । ବର୍ଷା ପାଣି ନିୟନ୍ତ୍ରଣରେ ତାଙ୍କ ସରକାର ବଦନାମ ହୋଇଛି ।
ଗୋଆରେ ପ୍ରମୋଦ ସାୱନ୍ତଙ୍କ ସରକାର ଚାଲିଛି । ଗୋଆରେ ଦୁର୍ନୀତି ଓ ଖରାପ ପରିଚାଳନାର ଅଭିଯୋଗ ଅଛି। ଜନତା ଓ ସୋସିଆଲ ମିଡିଆରେ ତାଙ୍କୁ ବଦଳାଇବାର ଦାବି ଉଠୁଛି।
-ଓଡିଶାରେ ମୋହନ ମାଝୀଙ୍କ ସରକାର ଚାଲିଛି । ଦେଢ଼ ବର୍ଷ ହେଲା ସରକାର ଚଳାଇବାର ଅକ୍ଷମତା ଅଭିଯୋଗ ଆସୁଛି । ଆଇନ ଶୃଙ୍ଖଳା ବିପର୍ଯ୍ୟସ୍ତ, ଲୋକଙ୍କ ଅଭିଯୋଗ ସମାଧାନ କରିପାରୁନଥିବା ଅଭିଯୋଗ ଆସୁଛି ।
ବିଜେପି ଶାସିତ ରାଜ୍ୟଗୁଡ଼ିକରେ ମୁଖ୍ୟମନ୍ତ୍ରୀ ବଦଳ ଚର୍ଚ୍ଚା ଓ ଅଭିଯୋଗ ଭିତରେ ମୋଦି, ଶାହଙ୍କ ନିଷ୍ପତ୍ତି ଶେଷ ନିଷ୍ପତ୍ତି । ଆରଏଏସ ର ମଧ୍ୟ ମୁଖ୍ୟମନ୍ତ୍ରୀ ପରିବର୍ତ୍ତନରେ ପସନ୍ଦ ରହିପାରେ । ଯଦିଓ ଏହି ଚର୍ଚ୍ଚା ସୋସିଆଲ ମିଡିଆରେ ଭାଇରାଲ ହେଉଛି । ତେବେ କେଉଁ ଦୁଇ ରାଜ୍ୟରେ ମୁଖ୍ୟମନ୍ତ୍ରୀ ପରିବର୍ତ୍ତନ ହେବ ତାହାର ଠିକ୍ ସୂଚନା ନାହିଁ । ବାସ୍ତବରେ ବଦଳ ହେବ କି ନାହିଁ, ତାହା ବିଜେପିର ଉଚ୍ଚ ନେତୃତ୍ୱ ଓ ଆରଏସଏସର ନିଷ୍ପତ୍ତି ଉପରେ ନିର୍ଭର କରୁଛି।
