ଚୀନକୁ ଆମେରିକାର ଧମକ…ଇରାନକୁ ଯୁଦ୍ଧ ସରଞ୍ଜାମ ଦେଲେ ୫୦% ଟାରିଫ୍

ଯୁକ୍ତରାଷ୍ଟ୍ର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଚୀନ୍‌କୁ କଡ଼ା ଚେତାବନୀ ଦେଇଛନ୍ତି। ଯଦି ଚୀନ୍ ଇରାନ୍‌କୁ ସମର୍ଥନ କରି ସାମରିକ ସରଞ୍ଜାମ ପଠାଏ ତେବେ ଚୀନ୍ ଉପରେ ୫୦ ପ୍ରତିଶତ ଟାରିଫ୍ ଲଗାଯିବ ବୋଲି ସେ ଧମକ ଦେଇଛନ୍ତି। ଏଥିସହ ସେ ଚୀନ୍‌କୁ ଆମେରିକା ଏବଂ ଭେନେଜୁଏଲାରୁ ଶସ୍ତା ତୈଳ କିଣିବାର ପ୍ରସ୍ତାବ ଦେଇଛନ୍ତି।

ଫକ୍ସ ନ୍ୟୁଜ୍ ର ମାରିଆ ବାର୍ଟିରୋମୋଙ୍କ ସହ ଏକ ସାକ୍ଷାତକାରରେ ଟ୍ରମ୍ପ କହିଛନ୍ତି ଯେ, ଇରାନ୍‌କୁ ସାମରିକ ସହାୟତା ପ୍ରଦାନ କରୁଥିବା ଦେଶଗୁଡ଼ିକ ଉପରେ ୫୦% ଟାରିଫ୍ ଲଗାଯିବ। ଏହି ତାଲିକାରେ ଚୀନ୍ ମଧ୍ୟ ଅନ୍ତର୍ଭୁକ୍ତ କି ନାହିଁ ବୋଲି ପଚରାଯିବାରୁ ଟ୍ରମ୍ପ ସ୍ପଷ୍ଟ କରିଛନ୍ତି, “ହଁ, ଚୀନ୍ ଏବଂ ଅନ୍ୟାନ୍ୟ ଦେଶ ମଧ୍ୟ। ”ସେ ଆହୁରି କହିଛନ୍ତି, “ମୁଁ ଖବର ଶୁଣୁଛି ଯେ ଚୀନ୍ ଇରାନ୍‌କୁ ସ୍କାଲ୍ଡର୍ ମିସାଇଲ୍ ଏବଂ ବିମାନ ବିରୋଧୀ ସରଞ୍ଜାମ ଦେବାକୁ ଯାଉଛି। ମୁଁ ଏହା ବିଶ୍ୱାସ କରୁନାହିଁ, କିନ୍ତୁ ଯଦି ଧରାପଡ଼େ ତେବେ ସେମାନଙ୍କୁ ୫୦% ଟାରିଫ୍ ଲଗାଯିବ।

ଏହି ଧମକ ପରେ ଟ୍ରମ୍ପ ଚୀନ୍‌କୁ ଏକ ବିକଳ୍ପ ପ୍ରସ୍ତାବ ଦେଇଛନ୍ତି। ସେ କହିଛନ୍ତି, “ଚୀନ୍ ତା’ର ଜାହାଜଗୁଡ଼ିକୁ ଆମ ପାଖକୁ କିମ୍ବା ଭେନେଜୁଏଲାକୁ ପଠାଇପାରେ। ଆମର ଅନେକ ଅତିରିକ୍ତ ଉତ୍ପାଦନ ଅଛି ଏବଂ ଆମେ ଇରାନ୍ ଠାରୁ ମଧ୍ୟ ଶସ୍ତାରେ ତୈଳ ବିକ୍ରି କରିପାରିବୁ।”ଏହି ମନ୍ତବ୍ୟ ଏପରି ସମୟରେ ଆସିଛି ଯେତେବେଳେ ମଧ୍ୟପ୍ରାଚ୍ୟରେ ଉତ୍ତେଜନା ବଢ଼ୁଛି ଏବଂ ଯୁକ୍ତରାଷ୍ଟ୍ର-ଇରାନ୍ ଆଲୋଚନା ବିଫଳ ହୋଇଛି। ଚୀନ୍ ଇରାନର ତୈଳ ଆମଦାନୀର ବଡ଼ କ୍ରେତା ହୋଇଥିବାରୁ ଏହି ପ୍ରସ୍ତାବ ଗୁରୁତ୍ୱପୂର୍ଣ୍ଣ ବୋଲି ବିଶ୍ଳେଷକମାନେ କହୁଛନ୍ତି।ଟ୍ରମ୍ପଙ୍କ ଏହି ଦୁଇଟି ମନ୍ତବ୍ୟ ଆନ୍ତର୍ଜାତିକ ବାଣିଜ୍ୟ ଏବଂ ମଧ୍ୟପ୍ରାଚ୍ୟ ସ୍ଥିରତା ଉପରେ ପ୍ରଭାବ ପକାଇପାରେ ବୋଲି ଆଲୋଚନା ହେଉଛି।