କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (CBSE) ଆଜି କ୍ଲାସ୍ ୧୦ ର ଫଳ ପ୍ରକାଶ କରିଛି। ୨୦୨୬ ବର୍ଷର କ୍ଲାସ୍ ୧୦ ପରୀକ୍ଷାରେ ଉପସ୍ଥିତ ହୋଇଥିବା ୨୫ ଲକ୍ଷରୁ ଅଧିକ ଛାତ୍ରଛାତ୍ରୀଙ୍କ ଫଳ ଆଜି ଘୋଷଣା କରାଯାଇଛି।ଏହି ପରୀକ୍ଷା ଫେବ୍ରୁଆରୀ ୧୭ ରୁ ମାର୍ଚ୍ଚ ୧୧ ତାରିଖ ପର୍ଯ୍ୟନ୍ତ ଦେଶବ୍ୟାପୀ ଅନୁଷ୍ଠିତ ହୋଇଥିଲା। ଏଥର ପ୍ରଥମ ଥର ପାଇଁ CBSE କ୍ଲାସ୍ ୧୦ ଫଳ ଏପ୍ରିଲ୍ ମାସରେ ପ୍ରକାଶ ପାଇଛି, ଯାହା ନୂତନ ଶିକ୍ଷା ନୀତି (NEP) ଅନୁଯାୟୀ ଦୁଇଥର ପରୀକ୍ଷା ବ୍ୟବସ୍ଥାର ଏକ ଅଂଶ।
ଫଳ କେଉଁଠି ଦେଖିବେ ?
ଛାତ୍ରଛାତ୍ରୀମାନେ ନିଜର ଫଳ ନିମ୍ନଲିଖିତ ଅଫିସିଆଲ୍ ୱେବସାଇଟ୍ରେ ଚେକ୍ କରିପାରିବେ:
- cbse.gov.in
- results.cbse.nic.in
ଫଳ ଦେଖିବା ପାଇଁ….
୧. ଉପରୋକ୍ତ ୱେବସାଇଟ୍କୁ ଯାଆନ୍ତୁ
୨. CBSE Class 10 Result 2026 ଲିଙ୍କ୍ ଉପରେ କ୍ଲିକ୍ କରନ୍ତୁ
୩. ରୋଲ୍ ନମ୍ବର୍, ସ୍କୁଲ୍ ନମ୍ବର୍ ଏବଂ ଆଡମିଟ୍ କାର୍ଡ୍ ଆଇଡି ଭରନ୍ତୁ
୪. ସବମିଟ୍ କରନ୍ତୁ ଏବଂ ଫଳ ଦେଖନ୍ତୁ/
ଡାଉନଲୋଡ୍ କରନ୍ତୁ…ଫଳ ଡିଜିଲକର୍ (DigiLocker) ଏବଂ UMANG ଆପ୍ ମାଧ୍ୟମରେ ମଧ୍ୟ ଉପଲବ୍ଧ ହେବ। ଛାତ୍ରଛାତ୍ରୀ ନିଜର ମାର୍କସିଟ୍ ଡାଉନଲୋଡ୍ କରି ସୁରକ୍ଷିତ ରଖିବାକୁ ପରାମର୍ଶ ଦିଆଯାଇଛି।ଯେଉଁ ଛାତ୍ରଛାତ୍ରୀ ପାସ୍ କରିଛନ୍ତି ଏବଂ ନିଜର ନମ୍ବର୍ ବଢାଇବାକୁ ଚାହୁଁଛନ୍ତି, ସେମାନେ ମେ ମାସରେ ଆୟୋଜିତ ହେବାକୁ ଥିବା ଦ୍ୱିତୀୟ ପର୍ଯ୍ୟାୟ ପରୀକ୍ଷା ଦେଇପାରିବେ।
