ଆକାଶରେ କଳାହାଣ୍ଡିଆ ମେଘ ସହ ଯେତେବେବେ ଘଡ଼ଘଡ଼ିମାରେ ମନରେ ଛନକା ପଶିଯାଏ। ଘଡ଼ଘଡି ସହ ବିଜୁଳି ମାରିଲେ ଭୟ ଆହୁରି ବଢ଼େ। କାରଣ ବଜ୍ରପାତ ଜୀବନ ନେଇଯାଏ ।ଭାରତରେ ପ୍ରତିବର୍ଷ ପ୍ରାୟ ଅଢେଇ ହଜାରରୁ ୩ ହଜାର ଲୋକଙ୍କର ବଜ୍ରପାତ ଯୋଗୁଁ ମୃତ୍ୟୁ ଘଟୁଛି । ତେଣୁ, ବଜ୍ରପାତରୁ ଆପଣ କିଭଳି ବର୍ତ୍ତିପାରିବେ ସେ ବିଷୟରେ ଆଜି ଆମେ ଆପଣଙ୍କୁ କହିବୁ।
ବିଜୁଳି ମାରିଲେ କରିବେ କ’ଣ?
ବଜ୍ରପାତ ସମୟରେ ଘରୁ ବାହାରକୁ ବାହାରନ୍ତୁ ନାହିଁ
ବଜ୍ରପାତ ବେଳେ ଛାତ ଘରେ ରହିବା ସବୁଠୁ ସୁରକ୍ଷିତ
ମୋବାଇଲ ଭଳି ଇଲେକ୍ଟ୍ରୋନିକ୍ସ ଡିଭାଇସ୍ ବ୍ୟବହାର କରନ୍ତୁ ନାହିଁ
ଝରକା ଏବଂ କବାଟଠୁ ଦୂରେଇ ରୁହନ୍ତୁ
ବାହାରେ ଥିଲେ ନଇଁପଡି ଆଣ୍ଠୁକୁ ବଙ୍କା କରି ଛାତିରେ ଲଗାଇ ବସିପଡନ୍ତୁ
ନିଜକୁ ଯେତେ ସଙ୍କୁଚିତ କରିପାରିବେ କରି ବସନ୍ତୁ
କେବେବି ସିଧାସଳଖ ମାଟି ଉପରେ ଶୁଅନ୍ତୁ ନାହିଁ
କାରରେ ଥିଲେ ଗାଡି ଡୋର ବନ୍ଦ କରିଦିଅନ୍ତୁ
ପାଣିଠୁ ସର୍ବଦା ଦୁରେଇ ରୁହନ୍ତୁ,କାରଣ ପାଣିରେ ଇଲେକ୍ଟ୍ରିସିଟି ପ୍ରବାହ ଶୀଘ୍ର ହୋଇଥାଏ।ତେଣୁ ଏହି ସମୟରେ ସାୱାର ଲଗାଇ ଗାଧାନ୍ତୁ ନାହିଁ
ବଜ୍ରପାତ ସମୟରେ ପାଣିରେ ପହଁରନ୍ତୁ ନାହିଁ
ମେଟାଲ ତଥା ଧାତୁ ସାମଗ୍ରୀକୁ ଛୁଅନ୍ତୁ ନାହିଁ
ତାର ବାଡ଼, ସାଇକେଲ, ଗଲ୍ଫ କ୍ଲୁବ୍ସଠୁ ଦୁରେଇ ରୁହନ୍ତୁ
ଟିଭି ଭଳି ଇଲେକ୍ଟ୍ରୋନିକ୍ସ ସାମଗ୍ରୀକୁ ବିଦ୍ୟୁତ୍ ବୋର୍ଡରୁ କାଢିଦିଅନ୍ତୁ
ବଜ୍ରପାତ କ’ଣ?
ଆକାଶରେ ଯେତେବେଳେ ବାଦଲ ମଧ୍ୟରେ ଧକ୍କା ହୋଇଥାଏ ସେତେବେଳେ ହଠାତ ଏହା ମଧ୍ୟରୁ ଇଲେକଟ୍ରୋଷ୍ଟେଟିକ ଚାର୍ଜ ବିକରଣ ହୋଇଥାଏ । ଏହା ଖୁବଶୀଘ୍ର ଭୂମି ଆଡ଼କୁ ଆସିଥାଏ । ଏହି ସମୟରେ ଜୋରରେ ଘଡ଼ଘଡ଼ି ଶବ୍ଦ ଶୁଣାଯାଇଥାଏ ଓ ଆକାଶରେ ବିଜୁଳି ଦେଖା ଦେଇଥାଏ । ଆକାଶରେ ହେଉଥିବା ବ୍ରଜପାତ କିଛି ସେକେଣ୍ଡ ପାଇଁ ହୋଇଥାଏ । କିନ୍ତୁ ଏଥିରେ ଏତେ ମାତ୍ରାରେ କରେଣ୍ଟ ଥାଏ ଯେ, ସାଧାରଣ ଲୋକର ଜୀବନ ନେବାକୁ ମଧ୍ୟ ସକ୍ଷମ । ବର୍ଷା ସମୟରେ ହେଉଥିବା ବଜ୍ରପାତ କୌଣସି ନା କୌଣସି ମାଧ୍ୟମରେ ଭୂମି ଉପରକୁ ଆସିଥାଏ । ଏହି ବଜ୍ରପାତ ମଣିଷ କିମ୍ବା ପଶୁ ପକ୍ଷୀ ମାନଙ୍କ ଉପରେ ପଡ଼ିଲେ ମୃତ୍ୟୁ ହୋଇଥାଏ । ତେବେ ଏହି ପ୍ରାକୃତିକ ବିପଯ୍ୟୟରୁ କିଛି ସର୍ତକତା ଅବଲମ୍ବନ କରିବା ସହ ନିଜ ଜୀବନକୁ ରକ୍ଷା କରାଯାଇପାରିବ ।
