:max_bytes(150000):strip_icc()/Health-Stocksy_txp3d0ecc80Mrw300_Medium_663260-32aabbea1b5746eb860666d69a624204.jpg?w=1920&resize=1920,1295&ssl=1 "odisha.newsroom.in")
/odishatv/media/media_files/2026/04/28/puri-2026-04-28-08-47-54.jpg?w=1200&resize=1200,601&ssl=1 "odisha.newsroom.in")
ଆଗାମୀ ମେ ମାସ ୧ ତାରିଖରୁ ରୋଷେଇ ଗ୍ୟାସ୍ ବ୍ୟବହାରକାରୀଙ୍କ ପାଇଁ ନୂଆ ନିୟମ ଲାଗୁ ହେବାକୁ ଯାଉଛି। ଏହି ନୂଆ ବ୍ୟବସ୍ଥା ଅଧୀନରେ ଗ୍ୟାସ୍ ଡେଲିଭରି ପାଇଁ OTP (One Time Password) ଅନିବାର୍ଯ୍ୟ ହେବା ସହ ଦୁଇଟି ବୁକିଂ ମଧ୍ୟରେ ଥିବା ସମୟ ବ୍ୟବଧାନରେ ମଧ୍ୟ ପରିବର୍ତ୍ତନ କରାଯାଇଛି। ଏହା ବ୍ୟତୀତ ପ୍ରତି ମାସ ଭଳି ମେ ପହିଲାରୁ ଗ୍ୟାସ୍ ଦରରେ ମଧ୍ୟ ସଂଶୋଧନ ହୋଇପାରେ।
ନୂଆ ନିୟମର ମୁଖ୍ୟ ଦିଗ :
- OTP ଡେଲିଭରି ବ୍ୟବସ୍ଥା: ଏବେ ସିଲିଣ୍ଡର ଡେଲିଭରି ସମୟରେ ଗ୍ରାହକଙ୍କୁ ନିଜ ପଞ୍ଜିକୃତ ମୋବାଇଲ୍ ନମ୍ବରକୁ ଆସିଥିବା OTP ଦେବାକୁ ପଡ଼ିବ। ଏହି ବ୍ୟବସ୍ଥା ଦ୍ୱାରା ଗ୍ୟାସ୍ ଚୋରି ରୋକାଯିବା ସହ ସଠିକ୍ ଗ୍ରାହକଙ୍କ ପାଖରେ ସିଲିଣ୍ଡର ପହଞ୍ଚିବା ନିଶ୍ଚିତ କରାଯିବ।
- ମୋବାଇଲ୍ ନମ୍ବର ଲିଙ୍କ୍: ଯେଉଁ ଗ୍ରାହକମାନେ ଏପର୍ଯ୍ୟନ୍ତ ନିଜର ମୋବାଇଲ୍ ନମ୍ବର LPG ଆକାଉଣ୍ଟ ସହ ଲିଙ୍କ୍ କରିନାହାନ୍ତି, ସେମାନଙ୍କୁ ମେ ୧ ପୂର୍ବରୁ ଏହା କରିବାକୁ ପରାମର୍ଶ ଦିଆଯାଇଛି। ନମ୍ବର ଲିଙ୍କ୍ ନଥିଲେ ବୁକିଂ କିମ୍ବା ଡେଲିଭରିରେ ସମସ୍ୟା ଉପୁଜିପାରେ।
- ବୁକିଂ ବ୍ୟବଧାନରେ ପରିବର୍ତ୍ତନ: ଦୁଇଟି ସିଲିଣ୍ଡର ବୁକିଂ ମଧ୍ୟରେ ଥିବା ସର୍ବନିମ୍ନ ସମୟ ସୀମାକୁ ନେଇ ନୂଆ ଗାଇଡଲାଇନ୍ ଜାରି ହୋଇପାରେ। ଗ୍ରାହକମାନେ ସେମାନଙ୍କର ପରବର୍ତ୍ତୀ ବୁକିଂ ତାରିଖ ଜାଣିବା ପାଇଁ MyLPG ପୋର୍ଟାଲ୍ ଚେକ୍ କରିବାକୁ କୁହାଯାଇଛି।
- ମୂଲ୍ୟ ଅପଡେଟ୍: ମେ ମାସ ଆରମ୍ଭରେ ସରକାରୀ ତୈଳ କମ୍ପାନୀଗୁଡ଼ିକ LPG ସିଲିଣ୍ଡରର ନୂଆ ମୂଲ୍ୟ ଘୋଷଣା କରିବେ। ଅନ୍ତର୍ଜାତୀୟ ବଜାର ଅନୁଯାୟୀ ଦର କମିବା କିମ୍ବା ବଢ଼ିବାର ସମ୍ଭାବନା ରହିଛି।
ଗ୍ରାହକଙ୍କ ପାଇଁ ଗୁରୁତ୍ୱପୂର୍ଣ୍ଣ ସୂଚନା:
ସରକାରଙ୍କ ପକ୍ଷରୁ କୁହାଯାଇଛି ଯେ, ଯେକୌଣସି ଅସୁବିଧାରୁ ବଞ୍ଚିବା ପାଇଁ ଗ୍ରାହକମାନେ ତୁରନ୍ତ ନିଜର KYC ଅପଡେଟ୍ କରନ୍ତୁ ଏବଂ ମୋବାଇଲ୍ ନମ୍ବରକୁ ସକ୍ରିୟ ରଖନ୍ତୁ।
