ଆପଣ କୋଟିପତି ହେବାକୁ ଚାଁହୁଛନ୍ତି କି? ଆପଣଙ୍କ ପକେଟରେ ଟଙ୍କା ରହୁନି କି? ଆର୍ଥିକ ସମସ୍ୟା ପାଇଁ କଳହ ଲାଗି ରହୁଛି କି? ତେବେ ଚିନ୍ତା ଛାଡ଼ନ୍ତୁ ଓ ଘରେ ଲଗାନ୍ତୁ ଏହି ଛଅଟି ଗଛ। ଆପଣଙ୍କ ଘରେ ମାଆ ଲଷ୍ମୀ ପ୍ରସନ୍ନ ହୋଇ କରିବେ ଧନ ବର୍ଷା। ତେବେ ଅସନ୍ତୁ ଜାଣିବା ସେହି ଗଛ ବିଷୟରେ..
ବାସ୍ତୁଶାସ୍ତ୍ର ଅନୁସାରେ ଗଛଲତା କେବଳ ପରିବେଶକୁ ସୁନ୍ଦର କରନ୍ତି ନାହିଁ, ବରଂ ଏହା ଆମ ଜୀବନର ସୁଖ, ସମୃଦ୍ଧି ଏବଂ ଆର୍ଥିକ ଅବସ୍ଥା ଉପରେ ଗଭୀର ପ୍ରଭାବ ପକାଇଥାନ୍ତି। ମାନ୍ୟତା ଅଛି ଯେ ସଠିକ୍ ଦିଗରେ ଏବଂ ବାସ୍ତୁ ସମ୍ମତ ଗଛ ଲଗାଇବା ଦ୍ୱାରା ଘରକୁ ସକାରାତ୍ମକ ଶକ୍ତି ଆସିଥାଏ, ଯାହା ଧନ ପ୍ରାପ୍ତିର ମାର୍ଗ ପ୍ରଶସ୍ତ କରେ। ସେହି ଗଛ ଗୁଡ଼ିକ ମଧ୍ୟରୁ ପ୍ରଥମ ହେଉଛି…
୧- ତୁଳସୀ ଗଛ: ହିନ୍ଦୁ ଧର୍ମ ଏବଂ ବାସ୍ତୁଶାସ୍ତ୍ରରେ ତୁଳସୀକୁ ସବୁଠାରୁ ପବିତ୍ର ବୋଲି ଧରାଯାଏ। ଏହାକୁ ‘ବିଷ୍ଣୁପ୍ରିୟା’ ମଧ୍ୟ କୁହାଯାଏ। ଏହାକୁ ସବୁବେଳେ ଘରର ଉତ୍ତର-ପୂର୍ବ (ଐଶାନ୍ୟ କୋଣ) କିମ୍ବା ପୂର୍ବ ଦିଗରେ ଲଗାଇବା ଉଚିତ୍।
ଯେଉଁ ଘରେ ତୁଳସୀ ଗଛ ସବୁଜ ରହିଥାଏ ଏବଂ ନିୟମିତ ସନ୍ଧ୍ୟାରେ ଦୀପ ଦିଆଯାଏ, ସେଠାରେ ଦରିଦ୍ରତା ରହେ ନାହିଁ। ଏହା ଘରର ନକାରାତ୍ମକ ଶକ୍ତିକୁ ନଷ୍ଟ କରି ସଫଳତା ଆଣିଥାଏ।
୨ – ମନି ପ୍ଲାଣ୍ଟ: ଧନ ଆକର୍ଷଣର ମାଧ୍ୟମ
ନାମ ଅନୁସାରେ ଏହି ଗଛ ଆର୍ଥିକ ଉନ୍ନତି ପାଇଁ ଜଣାଶୁଣା। ଏହାକୁ ଉଭୟ ମାଟି କିମ୍ବା ପାଣି ବୋତଲରେ ଲଗାଯାଇପାରେ। ଏହାକୁ ସର୍ବଦା ଘରର ଦକ୍ଷିଣ-ପୂର୍ବ (ଆଗ୍ନେୟ କୋଣ) ଦିଗରେ ଲଗାନ୍ତୁ। ଏହି ଦିଗର ଅଧିପତି ଶୁକ୍ର ଗ୍ରହ, ଯିଏ ଭୌତିକ ସୁଖ ଓ ସମ୍ପଦର କାରକ। ମନେରଖନ୍ତୁ ମନି ପ୍ଲାଣ୍ଟର ଲତା କେବେବି ତଳେ ଶୋଇବା ଉଚିତ୍ ନୁହେଁ। ଏହାକୁ କୌଣସି ବାଡ଼ି କିମ୍ବା ସୂତା ସାହାଯ୍ୟରେ ଉପରକୁ ଉଠାଇ ରଖନ୍ତୁ। ଲତା ତଳକୁ ଝୁଲିବା ଅର୍ଥ ଆର୍ଥିକ ଅବନତି।
୩. କ୍ରାସୁଲା (Crassula): ଧନର ଚୁମ୍ବକ
ବାସ୍ତୁ ଏବଂ ଫେଙ୍ଗଶୁଇ ଅନୁସାରେ କ୍ରାସୁଲା ଗଛକୁ “ଟଙ୍କା ଆକର୍ଷଣ କରୁଥିବା ଗଛ” କୁହାଯାଏ। ଏହାର ପତ୍ର ମୋଟା ଏବଂ ମାଂସଳ ହୋଇଥାଏ। ଏହାକୁ ଘରର ମୁଖ୍ୟ ପ୍ରବେଶ ଦ୍ୱାରର ଡାହାଣ ପଟେ ରଖିବା ସବୁଠାରୁ ଶୁଭ। କୁହାଯାଏ ଯେ ଏହି ଗଛ ଧନକୁ ଚୁମ୍ବକ ପରି ଆକର୍ଷିତ କରେ। ଏହା ଘରର ମୁଖ୍ୟଙ୍କ ପାଇଁ ନୂଆ ନୂଆ ଆୟର ପନ୍ଥା ଖୋଲିବାରେ ସାହାଯ୍ୟ କରିଥାଏ।
୪. ଶାମୀ ଗଛ (Shami Plant): ଶନିଦେବଙ୍କ ଆଶୀର୍ବାଦ
ଶାମୀ ଗଛ ଲଗାଇବା ଦ୍ୱାରା କେବଳ ଧନ ମିଳେ ନାହିଁ, ବରଂ ଜୀବନରେ ଆସୁଥିବା ବାଧାବିଘ୍ନ ମଧ୍ୟ ଦୂର ହୁଏ।
ଘରୁ ବାହାରକୁ ଯିବା ସମୟରେ ଯଦି ଏହି ଗଛ ଆପଣଙ୍କ ବାମ ପାର୍ଶ୍ୱରେ ରହେ, ତେବେ ତାହା ଶୁଭ।
ଲାଭ: ଏହି ଗଛ ମୁଖ୍ୟତଃ କାର୍ଯ୍ୟ କ୍ଷେତ୍ରରେ ଉନ୍ନତି ଏବଂ ବ୍ୟବସାୟରେ ବୃଦ୍ଧି ପାଇଁ ଲଗାଯାଏ।
୫. ବାଉଁଶ ଗଛ (Lucky Bamboo)
ଛୋଟ ବାଉଁଶ ଗଛକୁ ଘରର ଡ୍ରଇଂ ରୁମରେ ରଖିବା ଦ୍ୱାରା ଭାଗ୍ୟୋଦୟ ହୋଇଥାଏ। ଏହାକୁ ଘରର ପୂର୍ବ କିମ୍ବା ଉତ୍ତର ଦିଗରେ ରଖିଲେ ସ୍ୱାସ୍ଥ୍ୟ ଏବଂ ସମ୍ପତ୍ତି ବୃଦ୍ଧି ପାଏ। ଏହାକୁ ଲାଲ୍ ରଙ୍ଗର ରିବନରେ ବାନ୍ଧି ରଖିବା ଅଧିକ ଫଳପ୍ରଦ।
୬. ଅଁଳା ଓ କଦଳୀ ଗଛ
ଘର ଅଗଣାରେ ଅଁଳା ଏବଂ କଦଳୀ ଗଛ ଲଗାଇବା ଦ୍ୱାରା ଭଗବାନ ବିଷ୍ଣୁ ଏବଂ ମା’ ଲକ୍ଷ୍ମୀ ପ୍ରସନ୍ନ ହୁଅନ୍ତି। କଦଳୀ ଗଛକୁ ସବୁବେଳେ ଘରର ପଛ ପଟେ କିମ୍ବା ପୂର୍ବ-ଉତ୍ତର କୋଣରେ ଲଗାଇବା ଉଚିତ୍। ଗଛ ଲଗାଇଥିବା ସ୍ଥାନକୁ ସବୁବେଳେ ସଫା ରଖନ୍ତୁ। ଅପରିଷ୍କାର ସ୍ଥାନରେ ମା’ ଲକ୍ଷ୍ମୀ ବାସ କରନ୍ତି ନାହିଁ।
ବାସ୍ତୁ ଅନୁସାରେ ଏହି ଗଛଗୁଡ଼ିକ ଆପଣଙ୍କ ଜୀବନକୁ ସକାରାତ୍ମକତା ଏବଂ ସୁଯୋଗ ଆଣିଦେବ। କିନ୍ତୁ ମନେରଖନ୍ତୁ, “କର୍ମ ହିଁ ଭଗବାନ”। ସଠିକ୍ ପରିଶ୍ରମ ସହିତ ଏହି ବାସ୍ତୁ ନିୟମ ପାଳନ କଲେ ଆପଣ ନିଶ୍ଚିତ ଭାବେ ଆର୍ଥିକ ଶିଖରରେ ପହଞ୍ଚି ପାରିବେ।
