ବିଳାସପୁରରେ ମେମୁ ସହ ମାଲଗାଡ଼ି ମୁହାଁମୁହିଁ ଧକ୍କା: ଛଅ ଯାତ୍ରୀ ମୃତ

ବିଳାସପୁର ରେଳ ଡିଭିଜନର ଲାଲଖାଦନ ଅଞ୍ଚଳରେ ଏକ ଭୟଙ୍କର ଟ୍ରେନ୍ ଦୁର୍ଘଟଣା ଘଟିଛି। ହାଓଡ଼ା ରୁଟରେ ଏକ ଯାତ୍ରୀବାହୀ  ଟ୍ରେନ୍ କୁ ଏକ ମାଲବାହୀ ଟ୍ରେନ୍  ଧକ୍କା ଦେଇଥିଲା। ଧକ୍କା ଏତେ ତୀବ୍ର ଥିଲା ଯେ ଅନେକ ମେମୁ ଟ୍ରେନ୍ କୋଚ୍ ଲାଇନଚ୍ୟୁତ ହୋଇଯାଇଥିଲା, ଯାହା ଫଳରେ ଘଟଣାସ୍ଥଳରେ ବ୍ୟାପକ ଆତଙ୍କ ଖେଳିଯାଇଥିଲା। ପ୍ରାଥମିକ ରିପୋର୍ଟ ଅନୁଯାୟୀ, ଦୁର୍ଘଟଣାରେ ଅତି କମରେ ଛଅ ଜଣ ଯାତ୍ରୀଙ୍କ ମୃତ୍ୟୁ ଘଟିଥିବା ବେଳେ ଅନେକ ଯାତ୍ରୀ ଆହତ ହୋଇଛନ୍ତି। ଆହତମାନଙ୍କ ମଧ୍ୟରୁ କିଛି ଯାତ୍ରୀଙ୍କ ଅବସ୍ଥା ଗୁରୁତର ଥିବା କୁହାଯାଉଛି ଏବଂ ସେମାନଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଛି।

ବିଳାସପୁର ଷ୍ଟେସନରୁ ମାତ୍ର କିଛି କିଲୋମିଟର ଦୂରରେ ଲାଲଖାଦନ ନିକଟରେ ଏହି ଦୁର୍ଘଟଣା ଘଟିଛି। ପ୍ରତ୍ୟକ୍ଷଦର୍ଶୀଙ୍କ ଅନୁସାରେ, ମେମୁ ଟ୍ରେନ୍ ହାୱଡା ଅଭିମୁଖେ ଯାଉଥିବା ସମୟରେ ବିପରୀତ ଦିଗରୁ ଆସୁଥିବା ଏକ ମାଲବାହୀ ଟ୍ରେନ୍ ସହିତ ଧକ୍କା ହୋଇଥିଲା। ଧକ୍କାରେ ମେମୁ ଟ୍ରେନ୍ ର ସମ୍ମୁଖ ବଗି ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା,  ମାଲବାହୀ ଟ୍ରେନ୍ ର ଇଞ୍ଜିନ୍ ମଧ୍ୟ ଗୁରୁତର କ୍ଷତି ହୋଇଥିଲା। ଲାଇନଚ୍ୟୁତ କୋଚ୍ ଗୁଡ଼ିକ ଆଖପାଖ ଅଞ୍ଚଳକୁ କ୍ଷତି ପହଁଚାଇଛି । ଦୁର୍ଘଟଣା ସମୟରେ ଯାତ୍ରୀମାନେ ଚିତ୍କାର କରିଥିଲେ ଏବଂ ଅଞ୍ଚଳ ଧୂଆଁରେ ପରିପୂର୍ଣ୍ଣ ହୋଇଯାଇଥିଲା। ଅନେକ ଯାତ୍ରୀ କୋଚ୍ ଭିତରେ ଫସି ରହିଥିଲେ, ଯାହାକୁ ସ୍ଥାନୀୟ ବାସିନ୍ଦା ଏବଂ ରେଳ କର୍ମଚାରୀମାନେ ଉଦ୍ଧାର କରିଥିଲେ।