ଆପଣ ଆଧାର ଅପଡେଟ୍ କରିବାକୁ ଚାହୁଁଛନ୍ତି କି? ତେବେ ଆଉ ଅପେକ୍ଷା କାହିଁକି , ଘରେ ବସି ମୋବାଇଲରେ ଆପଣ ଅନେକ ସୂଚନା ଅପଡେଟ କରିପାରିବେ । ଆଧାର ଅପଡେଟ୍ କରିବାରେ ଏକ ବଡ଼ ଧରଣର ପରିବର୍ତ୍ତନ ଆଜିଠୁ କରାଯାଉଛି। ଯାହା ଦ୍ୱାରା ଆଧାର ଅପଡେଟ୍ ପ୍ରକ୍ରିୟା ସହଜ ଓ ଅଧିକ ସୁରକ୍ଷିତ ହୋଇପାରିବ ବୋଲି କୁହାଯାଉଛି ।
ଆଧାରରେ ଏବେ ନାମ, ଠିକଣା, ଜନ୍ମ ତାରିଖ ଏବଂ ମୋବାଇଲ୍ ନମ୍ବର ଭଳି ଡେମୋଗ୍ରାଫିକ୍ ସୂଚନାଗୁଡ଼ିକୁ ପରିବର୍ତ୍ତନ କରିବା ସହଜ କରାଯାଇଛି । ଏଥିପାଇଁ ଆଉ ଆଧାର ସେବା କେନ୍ଦ୍ରକୁ (Aadhaar Seva Kendra) ଯିବାକୁ ପଡ଼ିବ ନାହିଁ । myAadhaar’ ପୋର୍ଟାଲ୍ ମାଧ୍ୟମରେ ଅନଲାଇନରେ ଆପଣ ଏସବୁ ଅପଡେଟ୍ କରିପାରିବେ। ଏଥିପାଇଁ ଆଧାର ସହିତ ସଂଯୁକ୍ତ ମୋବାଇଲ୍ ନମ୍ବର ସକ୍ରିୟ ରହିଥିବା ଆବଶ୍ୟକ। Automated Verificationରେ ଆସୁଥିବା କୋଡ୍ ଅପଡେଟ୍ କରି ଏହି ପରିବର୍ତ୍ତନ କରାଯାଇପାରିବ । କେବଳ ବାୟୋମେଟ୍ରିକ୍ ଅପଡେଟ୍ ପାଇଁ ଆଧାର କେନ୍ଦ୍ର ଯିବା ଆବଶ୍ୟକ । ଯେଉଁଠି ଫିଙ୍ଗରପ୍ରିଣ୍ଟ୍, ଆଇରିସ୍ କିମ୍ବା ଫଟୋଗ୍ରାଫ୍ ଭଳି ବାୟୋମେଟ୍ରିକ୍ ଅପଡେଟ୍ ପାଇଁ ସୁବିଧା ରହିଛି ।
କେତେ ଟଙ୍କା ଦେବାକୁ ପଡ଼ିବ
ଆପଣ ଯଦି ବାୟୋମେଟ୍ରିକ୍ ଅପଡେଟ୍ (Biometric Update) କରିବାକୁ ଚାହୁଁଛନ୍ତି ତେବେ ₹125 ଟଙ୍କା ଯେକୈାଣସି ୟୁପିଆଇ ମାଧ୍ୟମରେ ଦେବାକୁ ପଡ଼ିବ । ଡେମୋଗ୍ରାଫିକ୍ ଅପଡେଟ୍ (Demographic Update) ପାଇଁ ₹75 ଟଙ୍କା ଦେବାକୁ ପଡ଼ିବ । ଡକ୍ୟୁମେଣ୍ଟ୍ ଅପଡେଟ୍ (Document Update) ପାଇଁ ମାଇଁ ଆଧାର ପୋର୍ଟାଲରେ (myAadhaar ) ଏକ ନିର୍ଦ୍ଦିଷ୍ଟ ତାରିଖ ପର୍ଯ୍ୟନ୍ତ ମାଗଣା କରିପାରିବେ ।
PAN ଲିଙ୍କିଂ PAN (Permanent Account Number) ସହିତ ଆଧାରକୁ ନିର୍ଦ୍ଧାରିତ ସମୟସୀମା ମଧ୍ୟରେ ସଂଯୋଗ କରିବା ଉପରେ ଟଙ୍କା ଦେବାକୁ ପଡ଼ିବ ନାହିଁ ।
କେତେ ସୁରକ୍ଷିତ ଆପଣଙ୍କ ତଥ୍ୟ?
ଏବେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI), ବ୍ଲକ୍ଚେନ୍ (Blockchain), କ୍ୱାଣ୍ଟମ୍ କମ୍ପ୍ୟୁଟିଂ (Quantum Computing), ଏବଂ ଉନ୍ନତ ଏନକ୍ରିପ୍ସନ୍ (Advanced Encryption) ଭଳି ଅତ୍ୟାଧୁନିକ ପ୍ରଯୁକ୍ତିବିଦ୍ୟାକୁ ବ୍ୟବହାର କରି ଆଧାରକୁ ଅଧିକ ସୁରକ୍ଷିତ ରଖାଯାଇଛି । ଯାହା ଫଳରେ ସାଇବର ସୁରକ୍ଷା ବିପଦରୁ ରକ୍ଷା କରିହେବ ।
