ଦିଲ୍ଲୀ ବିସ୍ଫୋରଣ ଘଟଣାରେ ପ୍ରଥମେ ୯ଜଣଙ୍କ ମୃତ୍ୟୁ ହୋଇଥିବା ବେଳେ ଏହି ସଂଖ୍ୟା ଏବେ ବଢ଼ି ୧୨ରେ ପହଞ୍ଚିଛି। ଦିଲ୍ଲୀ ପୁଲିସ ଏହା ନିଶ୍ଚିତ କରିଛି। ସୋମବାର ସନ୍ଧ୍ୟା ପ୍ରାୟ ୬:୫୦ ସମୟରେ ଦିଲ୍ଲୀର ଲାଲକିଲ୍ଲା ମେଟ୍ରୋ ଷ୍ଟେସନର ଗେଟ୍ ନମ୍ବର ୧ ନିକଟରେ ଏକ ବଡ଼ ବିସ୍ଫୋରଣ ହୋଇଥିଲା। ଏକ ହୁଣ୍ଡାଇ ଆଇ୨୦ କାରରେ ହଠାତ୍ ବିସ୍ଫୋରଣ ହେବାରୁ ନିଆଁ ଶୀଘ୍ର ବ୍ୟାପି ଯାଇ ପାଖରେ ଥିବା ୬ଟି କାର ଏବଂ ଅନେକ ଅଟୋରିକ୍ସାକୁ ପୋଡ଼ି ଦେଇଥିଲା।
ଦିଲ୍ଲୀ ରେ ବିସ୍ପୋରଣ ପରେ ପୁରୀ କୁ ହାଇ ଆଲର୍ଟ କରିଛନ୍ତି ପ୍ରଶାସନ। ପୁରୀ ଜଗନ୍ନାଥ ମନ୍ଦିର, କୋଣାର୍କ ମନ୍ଦିର କୁ କଡା ସୁରକ୍ଷା ବଳୟ ଭିତରେ ରଖା ଯାଇଛି । ସେହିପରି ପୁରୀ ର ପ୍ରବେଶ ପଥ ପିପିଲି ଟୋଲ ଗେଟ ନିକଟରେ ରାତି ତମାମ କଡା ଚେକିଂ କରୁଛି ପିପିଲି ପୋଲିସ! ପିପିଲି ଥାନା ଅଧିକାରୀ ସୋମେନ୍ଦ୍ର ଶେଖର ତ୍ରିପାଠୀ ଙ୍କ ନେତୃତ୍ୱ ରେ ବନ୍ଧୁକଧାରୀ ପୋଲିସ ପୁରୀ କୁ ଆସୁଥିବା କାର ଓ ଯାନବାହନ କୁ କଡା ଚେକିଙ୍ଗ କରୁଛନ୍ତି ।
ସେପଟେ ପର୍ଯ୍ୟଟକଙ୍କ ପାଇଁ ନଭେମ୍ବର ୧୧ ରୁ ୧୩ନଭେମ୍ବର ପର୍ଯ୍ୟନ୍ତ ବନ୍ଦ ରହିବ ଲାଲକିଲ୍ଲା । ସୋମବାର ସନ୍ଧ୍ୟାରେ ଐତିହାସିକ ସ୍ମାରକୀ ନିକଟରେ ଘଟିଥିବା କାର ବିସ୍ଫୋରଣ ପରେ ଏହି ନିଷ୍ପତ୍ତି ନିଆଯାଇଛି। ଏହି ବିସ୍ଫୋରଣରେ ୯ଜଣଙ୍କର ମୃତ୍ୟୁ ଏବଂ ୨୦ରୁ ଅଧିକ ଆହତ ହୋଇଥିଲେ।
