ତାମିଲନାଡୁରେ ଭାଙ୍ଗିଯିବ କି ବିଜୟଙ୍କ ସରକାର ? ତାମିଲନାଡୁ ରାଜନୀତିକୁ ନେଇ ପୁଣି ସାମ୍ନାକୁ ଆସିଲା ବଡ ଖବର । ମୁଖ୍ୟମନ୍ତ୍ରୀ ବିଜୟଙ୍କ ସରକାର ଗଠନ ହେବାର ଦଶ ଦିନ ବିତି ନାହିଁ, କିନ୍ତୁ ତାଙ୍କ ଆସନ କାଳେ ଟଳମଳ ହେଲାଣି। କୁହାଯାଉଛି ଭଙ୍ଗିଯାଇପାରେ ବିଜୟଙ୍କ ନୂଆ ସରକାର। ସିପିଆଇଏମ୍ ସ୍ପଷ୍ଟ ଭାବରେ କହିଛି ଯେ ଯଦି ବିଜୟଙ୍କ ଦଳ TVK କୌଣସି AIADMK ଗୋଷ୍ଠୀ କିମ୍ବା AIADMK ସହିତ ସରକାର ଗଠନ କରିବାକୁ ନିଷ୍ପତ୍ତି ନିଏ, ତେବେ ସେମାନେ ସେମାନଙ୍କର ନିଷ୍ପତ୍ତିର ପୁନର୍ବିଚାର କରିବେ।
ସିପିଆଇଏମ୍ ରାଜ୍ୟ ସମ୍ପାଦକ ପି ଶାନମୁଗମ କହିଛନ୍ତି, “ଆମେ TVKକୁ ସମର୍ଥନ କରିଥିଲୁ କାରଣ ତାମିଲନାଡୁ ଆଉ ଏକ ନିର୍ବାଚନର ସମ୍ମୁଖୀନ ହେବାକୁ ପ୍ରସ୍ତୁତ ନଥିଲା, ଆମର ଲକ୍ଷ୍ୟ ଥିଲା ରାଷ୍ଟ୍ରପତି ଶାସନ ଲାଗୁ କରି ପଛ ଦ୍ୱାର ଦେଇ ତାମିଲନାଡୁରେ ଶାସନ କରିବାର ବିଜେପିକୁ ଉଦ୍ଦେଶ୍ୟ ପୂରଣ କରିବାକୁ ନ ଦେବା, ତୃତୀୟତଃ ଜନାଦେଶ ଡିଏମକେ ଏବଂ ଏଆଇଏଡିଏମକେ ବିରୁଦ୍ଧରେ ଥିଲା, ତେଣୁ ଟିଭିକେ ୧୦୮ ଆସନ ସହିତ ସବୁଠାରୁ ବଡ଼ ଦଳ ହୋଇଥିଲା କିନ୍ତୁ ଏହା ବହୁମତ ମଧ୍ୟ ପାଇପାରିଲା ନାହିଁ।”
ପି ଶାନମୁଗମ କହିଛନ୍ତି, “କେବଳ ସେମାନଙ୍କ ପାଖରେ ସରକାର ଗଠନ କରିବାର ସୁଯୋଗ ଥିଲା, ସେହି ଆଧାରରେ ତାମିଲନାଡୁରେ ଲୋକଙ୍କ ପସନ୍ଦର ସରକାର ଗଠନ ହେବା ଉଚିତ। ଏହି ଉଦ୍ଦେଶ୍ୟ ନେଇ, ବାମ ଦଳଗୁଡ଼ିକ ଏବଂ VCK ବାହାରୁ ଟିଭିକେକୁ ସମର୍ଥନ କରିବାକୁ ନିଷ୍ପତ୍ତି ନେଇଥିଲେ। ଯଦି ସେମାନେ AIADMK ରୁ ସମର୍ଥନ ନିଅନ୍ତି କିମ୍ବା ସେମାନଙ୍କ ନେତାମାନଙ୍କୁ କ୍ୟାବିନେଟରେ ସାମିଲ କରନ୍ତି, ତେବେ ଏହା ଜନାଦେଶ ବିରୁଦ୍ଧରେ ହେବ।” ତେଣୁ ଆଗକୁ ତାମିଲନାଡ଼ୁ ରାଜନୀତି କେଉଁ ମୋଡ଼ ନେଉଛି, ତାହା ଉପରେ ରହିଛି ସମସ୍ତଙ୍କର ନଜର।
