ପୁଲୱାମା ଆକ୍ରମଣର ମାଷ୍ଟର ମାଇଣ୍ଡକୁ ଗୁଳି କରି ହତ୍ୟା। ପୁଲୱାମା ଆକ୍ରମଣର ମାଷ୍ଟରମାଇଣ୍ଡ ଆତଙ୍କବାଦୀ ହମଜା ବୁରହାନକୁ ପାକିସ୍ତାନରେ ଜଣେ ଅଜଣା ବ୍ୟକ୍ତି ଗୁଳି କରି ବା ପରେ ଆତଙ୍କବାଦୀର ମୃତ୍ୟୁ ଘଟିଛି। ପାକିସ୍ତାନର ମୁଜାଫରାବାଦରେ ଆତଙ୍କବାଦୀ ହମଜା ବୁରହାନଙ୍କୁ ଗୁଳି କରାଯାଇଥିଲା। ମୁଜାଫରାବାଦ ପାକିସ୍ତାନ ଅଧିକୃତ କାଶ୍ମୀରରେ ଅଛି। ଆତଙ୍କବାଦୀ ହମଜା ବୁରହାନ ୨୦୧୯ ପୁଲୱାମା ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡମାନଙ୍କ ମଧ୍ୟରୁ ଜଣେ ଥିଲା। ଏହି ବ୍ୟକ୍ତି ନିଜକୁ ପାକିସ୍ତାନରେ ଜଣେ ଶିକ୍ଷକ ବୋଲି କହୁଥିଲା।। ଏହି ଆକ୍ରମଣ ୧୪ ଫେବୃଆରୀ, ୨୦୧୯ରେ ହୋଇଥିଲା, ଯେତେବେଳେ ଆତଙ୍କବାଦୀମାନେ ଏକ ସେନା ଗାଡିକୁ ଟାର୍ଗେଟ କରିଥିଲେ। ଏହି ଆତଙ୍କବାଦୀ ଆକ୍ରମଣରେ ୪୦ରୁ ଅଧିକ ସୈନିକ ସହିଦ ହୋଇଥିଲେ।
ସୂଚନା ଅନୁଯାୟୀ, ମୁଜାଫରାବାଦରେ ଆତଙ୍କବାଦୀ ହମଜା ବୁରହାନକୁ ଜଣେ ଅଜଣା ବ୍ୟକ୍ତି ଗୁଳି କରିଛି। ଏହି ଘଟଣା ସେତେବେଳେ ଘଟିଥିଲା ଯେତେବେଳେ ଆତଙ୍କବାଦୀ ପାକ୍ ଅଧିକୃତ କାଶ୍ମୀରରେ ତା’ର କାର୍ଯ୍ୟାଳୟରେ ବସିଥିଲା। ଏହି ସମୟ ମଧ୍ୟରେ କିଛି ଲୋକ ପହଞ୍ଚି ଆତଙ୍କବାଦୀ ହମଜାକୁ ଅନେକ ଗୁଳି ବର୍ଷା କରିଥିଲେ। ଏଥିରେ ଘଟଣାସ୍ଥଳରେ ତା’ର ମୃତ୍ୟୁ ହୋଇଥିବା ଖବର ଏବେ ସାମ୍ନାକୁ ଆସିଛି।
୧୪ ଫେବୃଆରୀ ୨୦୧୯ ରେ ଜମ୍ମୁ-କାଶ୍ମୀରରେ ହୋଇଥିବା ପୁଲୱାମା ଆକ୍ରମଣରେ CRPF ର ୪୦ ଜଣ ଜବାନ ଶହୀଦ ହୋଇଥିଲେ। ଏହି ଘଟଣା ପରେ ଭାରତ ସରକାର Balakot airstrike କରି ଆତଙ୍କୀ ଠିକଣାକୁ ଟାର୍ଗେଟ କରିଥିଲା।
ସୂତ୍ରମାନଙ୍କ କହିବା ଅନୁସାରେ, ହମଜା ବୁରହାନ ଦୀର୍ଘ ସମୟ ଧରି ସୁରକ୍ଷା ଏଜେନ୍ସୀମାନଙ୍କ ନଜରରେ ଥିଲେ। ପାକିସ୍ତାନରେ ଶେଷ କିଛି ବର୍ଷ ଧରି ଆତଙ୍କୀ ସଂଗଠନ ଓ କଟ୍ଟରପନ୍ଥୀ ନେଟୱର୍କ ସହ ଜଡିତ ଅନେକ ଲୋକଙ୍କୁ ଅଜଣା ଆକ୍ରମଣକାରୀ ଟାର୍ଗେଟ କରୁଥିବା ଘଟଣା ସାମ୍ନାକୁ ଆସୁଛି। କେହି ଗ୍ୟାଙ୍ଗୱାରରେ ମୃତ୍ୟୁବରଣ କରିଥିବାବେଳେ କେହିଙ୍କୁ ଗୁଳି କରି ହତ୍ୟା କରାଯାଇଛି। ମୁଜଫ୍ଫରାବାଦରେ ଏହି ଘଟଣା ପରେ ସୁରକ୍ଷା ବ୍ୟବସ୍ଥା କଡା କରାଯାଇଛି। ତେବେ ଆକ୍ରମଣକାରୀ କିଏ ଏବଂ ଏହି ହତ୍ୟା ପଛରେ କାହାର ହାତ ରହିଛି, ସେନେଇ ଏପର୍ଯ୍ୟନ୍ତ ସ୍ପଷ୍ଟ ସୂଚନା ମିଳିନାହିଁ।
