ହିନ୍ଦୁ ଧର୍ମରେ ଧନତେରାସକୁ ଅତ୍ୟନ୍ତ ଶୁଭ ଦିନ ଭାବରେ ବିବେଚନା କରାଯାଏ । ଏହି ଦିନ ଲୋକମାନେ ନିଜ ବଜେଟ୍ ଅନୁସାରେ ସୁନା, ରୂପା, ହୀରା, ମୋତି, ବାସନକୁସନ ଏବଂ ଅନ୍ୟାନ୍ୟ ଉପଯୋଗୀ ଜିନିଷ କିଣାକିଣି କରିବାର ପରମ୍ପରା ରହିଆସିଛି ।
ଧନତେରାସ ତ୍ରୟୋଦଶୀ ତିଥିରେ ପାଳନ କରାଯାଏ। ଏହି ଦିନ ଦେବୀ ଲକ୍ଷ୍ମୀଙ୍କ ସହିତ ଭଗବାନ ଧନ୍ୱନ୍ତରୀ, କୁବେର ଏବଂ ଭଗବାନ ବିଷ୍ଣୁଙ୍କ ପୂଜା ରୀତିନୀତି ସହିତ କରାଯାଏ। ଭଗବାନ ଧନ୍ୱନ୍ତରୀ ସ୍ୱାସ୍ଥ୍ୟ ଦେବତା, ତାଙ୍କୁ ପୂଜା କରିବା ଦ୍ବାରା ଆମ ସ୍ୱାସ୍ଥ୍ୟ ଭଲ ରହିଥାଏ । ଭଗବାନ ବିଷ୍ଣୁଙ୍କର ପ୍ରତୀକକୁ ମଧ୍ୟ ପୂଜା କରାଯାଏ। ଭଗବାନ ବିଷ୍ଣୁ ହାତରେ ଶଙ୍ଖ ଧାରଣ କରନ୍ତି। ଜ୍ୟୋତିଷ ଶାସ୍ତ୍ର ଅନୁସାରେ ଯଦି ଆପଣ ଏହି ଦିନ ଶଙ୍ଖ କିଣନ୍ତି, ତେବେ ଆପଣଙ୍କ ଘରେ ସର୍ବଦା ସମୃଦ୍ଧି ରହିବ ।
ଲକ୍ଷ୍ମୀଙ୍କୁ ପ୍ରସନ୍ନ କରିବା ପାଇଁ ଲକ୍ଷ୍ମୀ ଯନ୍ତ୍ର ଏବଂ କୁବେର ଯନ୍ତ୍ର କିଣିବା ଭଲ । ଆପଣ ଲକ୍ଷ୍ମୀ, ଗଣେଶଙ୍କ ଧାତୁ ମୂର୍ତ୍ତି କିଣିପାରିବେ, ଯାହା ଦ୍ୱାରା ଆପଣଙ୍କ ଜୀବନରେ କେବେ କୌଣସି ସମସ୍ୟାର ସମ୍ମୁଖୀନ ହେବେ ନାହିଁ । ଆପଣଙ୍କର ଉନ୍ନତି ହେବ ଏବଂ ଆପଣଙ୍କ ପରିବାରର ସମୃଦ୍ଧ ହେବ। ଏହି ଦିନ କଳା ରଙ୍ଗ ବ୍ୟବହାର କରିବାକୁ ବାରଣ କରାଯାଇଥାଏ । ବିଶେଷଜ୍ଞ କୁହନ୍ତି ଏହା ଦ୍ୱାରା ଆର୍ଥିକ ସ୍ଥିରତା ଓ ପଜିଟିଭ୍ ଭାବନା ଆସେ। ଧନତେରାସ ପାଇଁ ଆପଣଙ୍କୁ ଆଗୁଆ ଶୁଭେଚ୍ଛା !
