ନବୀନ ପଚାରିବେ କି ଯକ୍ଷ ପ୍ରଶ୍ନ…ଆପଣମାନେ ଖୁସି ତ ?
ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନୁଆପଡ଼ା ଉପନିର୍ବାଚନରେ ବିଜେଡ଼ି ପ୍ରାର୍ଥୀ ସ୍ନେହାଙ୍ଗିନୀ ଛୁରିଆଙ୍କ ପକ୍ଷରେ ପ୍ରଚାର କରିବେ। ୩ ନଭେମ୍ବରରେ କୋମନାରେ ସଭା କରିବା ପୂର୍ବରୁ ସେ ଏକ ଭିଡିଓ ବାର୍ତ୍ତା ପ୍ରକାଶ କରିଛନ୍ତି। ଏଥିରେ ସେ ତାଙ୍କର ପ୍ରସିଦ୍ଧ ପ୍ରଶ୍ନ ‘ଆପଣମାନେ ଖୁସି ତ?’ ପୁଣି ଉଠାଇଛନ୍ତି। ଏହି ପ୍ରଶ୍ନ ନବୀନଙ୍କ ୨୪ ବର୍ଷର ଶାସନରେ ଜନସମ୍ପର୍କର ମୁଖ୍ୟ ଅସ୍ତ୍ର ଥିଲା। ୨୦୨୪ ନିର୍ବାଚନରେ ବିଜେଡ଼ି ପରାଜୟ ପରେ ଏହା ଅନେକ ଦିନ ଶୁଣାଯାଇ ନଥିଲା। କିନ୍ତୁ ଏବେ ଉପନିର୍ବାଚନରେ ଏହା ଫେରିଛି। ଭିଡିଓରେ ନବୀନ କହିଛନ୍ତି, “ପ୍ରିୟ କୋମନାର ଭାଇଭଉଣୀମାନେ, ମୁଁ ଆସୁଛି। ଆପଣମାନଙ୍କୁ ଭେଟିବି।” ଶେଷରେ ‘ଆପଣମାନେ ଖୁସି ତ?’ କହି ଓଡ଼ିଆରେ ‘ଜୁହାର’ କହିଛନ୍ତି।
ନବୀନ ପଟ୍ଟନାୟକ ଆସନ୍ତା ଦିନରେ ନୂଆପଡା ଜିଲ୍ଲାକୁ ପ୍ରଚାର ପାଇଁ ଯିବେ। ପୂର୍ବରୁ ସେ ପ୍ରତ୍ୟେକ ସଭାରେ “ଆପଣମାନେ ଖୁସି ତ?” ପ୍ରଶ୍ନ ପଚାରୁଥିଲେ । ଯାହା କି ଲୋକମାନଙ୍କ ଗ୍ରହଣୀୟ ହୋଇଥିଲା । ତେବେ ଏବେ ସେହି ପ୍ରଶ୍ନ ପଚାରିବେ କି ନାହିଁ ତାହା ଚର୍ଚା ହେଉଛି । ନବୀନ ଏବେ ନୂଆପଡା ଉପ ନିର୍ବାଚନ ସଭାରେ ପୁଣି ସେହି ପ୍ରଶ୍ନ ପଚାରିବେ କି ନାହିଁ -ଆସନ୍ତୁ ଦେଖିବା ଏହି ଭିଡିଓ
